Shqipëria mbyll aventurën, renditje e kënaqshme për skiatorët tanë
Nesër, Lojërat Olimpike Dimërore, që po zhvillohen në Korenë e Jugut, në fshatin olimpik të Pjong Çengut, i japin fund të gjitha veprimtarive. Për shqiptarët këto lojëra kanë marrë fund që ditën e enjte, kur garoi skiatori i fundit kuqezi, Erjon Tola. Po ashtu edhe skiatori kosovar AlbinTahiri, të cilët kanë zhvilluar edhe garat e tyre të fundit në këtë aktivitet botëror. Të dy garuan në Sllallomin Gjigant, duke zënë vende të mira, pavarësisht se nuk ishin asnjëri në 10-shen më të mirë të Botës. Duke pasur parasysh numrin e madh të garuesve ku shkonte rreth 100 garues, pozicioni 36 që zuri skiatori ynë Tola dhe 39 që zuri skiatori kosovar Tahiri, për të dy skiatorët shqiptarë mund të konsiderohen vende relativisht të mira. Kështu, Erjon Tola u rendit i 36-ti. Ai në dy provat e tij regjistroi kohën që e renditi në këtë pozicion. Erjon Tola e nisi aventurën me garën e Sllallomit të Madh, që ishte dhe gara e parë e tij në këto Lojëra Olimpike, ku gjatë provës së parë u rendit i 54-ti me kohën 1':16.86", ndërsa në provën e dytë u rendit i 49-ti me kohën 2':33.63", duke zënë përfundimisht vendin e 47-të në dygarësh. Fitues i Medaljes së Artë në këtë garë u shpall austriaku Marsel Hirsher me kohët (Prova e parë me kohën 1:08.27 duke zënë vendin e parë dhe në provën e dytë arriti kohën 1:09.77 duke u renditur në vendin e dytë, ndërsa në dygarësh koha e përgjithshme ishte 2:18.04 (0.00). Më tej, për skiatorin tonë Erjon Tola, pas 4 ditësh do të garonte në garat e Sllallomit Gjigant, ku gjatë provave të para arriti kohën 58.00", duke u renditur i 45-ti nga 95 konkurrues, ndërsa në provat e dyta të kësaj gare ai arriti kohën 59.06" (me një diferencë prej +10.28" nga vendi i parë), por në dygarësh ai u rendit i 36-ti me kohën finale 2':33.63" (duke qenë vetëm +15.59" nga fituesi i kësaj gare). Në këtë garë, fitues i vendit të parë dhe i medaljes së artë u shpall suedezi Andre Myhrer me kohët (gjatë provës së parë 47.93" duke u renditur i dyti, në provën e dytë 51.06" dhe në total mori kohën më të mirë 1':38.99" duke u renditur i pari. Medalje të Argjendtë mori zvicerani Ramon Zenhaursen (1':39.33"), ndërsa në vendin e tretë që mori medaljen e bronztë u rendit austriaku Majkëll Mat, me kohën 1"39.66". Duke përfituar nga fakti që shumë garues nuk i kryen me sukses të dyja provat, Erjon Tola u kualifikua në një pozicion të mirë mes 108 pjesëmarrësve në garë. E njëjta gjë vlejti edhe për përfaqësuesin e vetëm kosovar, Albin Tahirin, që e mbylli në vendin e 39-të garën e Sllallomit me kohën 2':02.93". Shqipëria, në këtë Olimpiadë Dimërore u paraqit me dy sportistë. Më herët pati konkurruar edhe skiatorja alpine Suela Mëhilli, e cila ishte dhe flamurmbajtësja në çeljen e këtyre Lojërave Olimpike. Skiatorja Mëhilli mori pjesë vetëm në një garë, në atë të Sllallomit të Madh, ndërsa u s'kualifikua në garën finale të kësaj disipline. Gjatë garës, e cila iu shty dy herë për shkak të kushteve të këqija të motit, më 15 shkurt arriti të kualifikohet për në garën finale. Në provën e parë u rendit e 60-ta me kohën 1':24.67", ndërsa në provën e dytë u rendit 54ta me kohën 2':05.17", duke u kualifikuar për garën finale. Gjatë provës së tretë finale ajo arriti kohën 2'26.66" duke u renditur përfundimisht e 53-ta. Fituese e vendit të parë dhe medaljen e artë e mori amerikania Mikaela Shifrin me kohët: gjatë provës së parë arriti kohën 1':10.82" duke u renditur e dyta, në provën e dytë arriti kohën 1':09.20", duke u renditur e 4-ta, por në dygarësh ajo arriti kohën më të mirë me 2':20.02", duke fituar medaljen e Artë. Suela Mëhillaj, në garën e Sllallomit të zhvilluar më 16 shkurt, arriti të renditej në vendin e 68-të dhe gjatë provës së dytë arriti vendin e 61-të duke u kualifikuar për në garën finale, por gjatë kësaj gare skiatorja jonë u s'kualifikua për një gabim teknik gjatë zbritjes, ku parakaloi një nga shenjat anësore të rrugës kalimtare. Fituese e vendit të parë u shpall suedezja Frida Hansdoter, me kohët: ( prova e parë prej 49.09" e renditi të dytën, në provën e dytë, koha 49.54" e rendit përsëri të 2-ën, por në dygarësh ajo arriti kohën më të mirë me 1':38.63", duke u renditur përfundimisht në vendin e parë.