Alonso e Vandurn në M Larenin portokalli
Njëvendëshja e skuadrës me seli në okin , u prezantua dje
Fernando Alonso dhe Stofel Vandurn do të drejtojnë makinën portokalli MHL33, e cila është dhe arma e revanshit të McLarenit në Formulën 1 këtë sezon. Skuadra me seli në Uoking prezantoi njëvendëshen, që do t'iu besohet pilotëve Alonso dhe Vandurn, për të lënë shenjë në Botërorin e këtij viti, atë ku favoritët janë të tjerë. Por McLareni do të kërkojë të futet në podium. Makina e tyre këtë radhë do të jetë krejtësisht me ngjyrë portokalli, e cila është një realizim nga Tim Gos e Mat Moris. Sipas analistëve, kjo do të shënojë një përmbysje të tendencave, si në ngjyrë ashtu edhe në rezultate, pas një 3vjeçari negativ të lidhur me partneritetin me Hondën. Ishte pikërisht Renault, çelësi për të mbajtur në skuadër një kampion si Fernando Alonso. Spanjolli do të mbrojë ngjyrat e McLarenit për të katërtin vit radhazi, në një sezon ku do të impenjohet gjithashtu në garat e Le Mansit me Tojotën. "Jam kurioz ta shikoj këtë makinë në pistë, pasi e di sesa i rëndësishëm është ky vit për skuadrën. Shpresoj që të shfrytëzojmë potencialin në maksimum e nëse arrijmë të mbajmë pikat e forta të sezonit të shkuar, do të bëjmë një hap përpara", tha Alonso.
Nga ana tjetër, Renault ka zbuluar dhe partneritetin me kampionatin e futbollit spanjoll, La Liga. Logoja e kampionatit do të vendoset në dy njëvendëshet RS18, e zbuluar vetëm 2 ditë më parë, me të cilat Renault do të garojë në këtë sezon. Logon do ta mbajnë edhe në kostumet e tyre dy pilotët e këtij sezoni, Niko Hulkenberg dhe Harlos Sainz , ky i fundit njihet si një tifoz i zjarrtë i Real të Madridit. Shefi i marketingut të Renault u shpreh entuziast për arritjen e kësaj marrëveshje, duke konfirmuar se qëllimi është i ndërsjellët për të fituar me shumë nga imazhi i njëratjetrës.