Di Françesko: Në Ukrainë për rezultat, askush nuk e ka të sigurt vendin
Roma humbet Florencin për ndeshjen e parë ndaj Shahtjorit
Për Romën, pas tri fitoreve radhazi në kampionat, është koha për t'u hedhur te Liga e Kampioneve: sot në mbrëmje verdhekuqtë do të përballen në Kharvikë me Shahtjor Donjeckun. "Duhet t'i japim vazhdimësi punës mbrojtëse dhe sulmuese. Do të ketë shumë momente gjatë të cilave do ta komandojmë lojën dhe të tjera që do të detyrohemi të mbrohemi. Kam parë një skuadër në rritje të madhe dhe uroj që ta rishoh të mërkurën. Forca jonë është kompaktësia. Duhet të nxjerrim gjithë vetëbesimin, vendosmërinë dhe grintën në fushë", nënvizoi trajneri i Romës, Eusebio Di Françesko. Në lidhje me formacionin dhe nëse do vazhdojë t'i besojë lojtarit më në formë, talenti Xhengiz Ynder, italiani thotë: "Jemi të kënaqur që e kemi me vete, por nuk do merrni përgjigje. Do vendos vetëm ditën e ndeshjes se kë do të zbres në fushë. Askush nuk është i sigurt se do të luaj në
këtë moment".
SHAHTJORI - "Kemi ardhur këtu për të kërkuar një rezultat që do të na ndihmojë për t'u kualifikuar në çerekfinale, të ndërgjegjshëm se përballë kemi një skuadër me potencial të fortë, veçanërisht në repartin ofensiv dhe që është me përvojë në këtë kompeticion. Do kërkojmë të kthehemi në Romë me një rezultat pozitiv, duke ditur që kemi si Champions-in, ashtu edhe kampionatin. Por sot koka jonë është e gjitha te kjo ndeshje". FLORENCI - Në fund, ai foli edhe për dyshimin e tij më të madh për ndeshjen e sotme, Florenci, i cili duhet të ishte në konferencë përkrah trajnerit në vend të kapitenit De Rosi. "Nuk është mirë (për shkak të një virusi) dhe qëndroi në hotel. Shpresojmë ta kemi në dispozicion. Sot për sot nuk është i disponueshëm dhe nuk do të jetë as në stërvitjen e fundit", përfundoi tekniku 48-vjeçar.