Bakaj, 2 milionë lekë për të luajtur
Shameti pret përgjigje nga mjekët dhe mban peng formacionin anti-Skënderbe
ukësi do të presë nesër Skënderbeun në shtëpi, në një ndeshje ku do të kërkojë me çdo kusht trepikëshin për të arritur vendin në dytë në tabelën e klasifikimit. Ashtu si në ndeshjen ndaj Laçit, trajneri Pakult ka kërkuar nga skuadra e tij maksimumin. Por, në ndryshim nga ajo përballje, i gatshëm për austriakun do të jetë edhe Elis Bakaj, i cili u ndëshkua me karton të kuq në sfidën kundër Partizanit dhe u pezullua për dy takime dhe një milion lekë të vjetër gjobë nga Komisioni i Disiplinës për shkak të sharjeve dhe një gjesti anti-sportiv në drejtim të tifozëve të Partizanit. Por, sulmuesi do të luajë kundër Skënderbeut, pasi gjysma e dënimit të tij do shlyhet me gjobë financiare. Përveçse Komisionit të Disiplinës që dënoi futbollistin në lojë, ka hyrë dhe klubi i Kukësit, ku drejtuesit theksuan se do marrin masë për 30-vjeçarin për gjestin që ai ka kryer. "Panorama Sport" mëson se drejtuesit i kanë komunikuar Bakajt se dënimi i Disiplinës dhe gjoba për t'u rikthyer në fushë, pra, në total 2 milion lekë të vjetër, do të paguhen nga vetë futbollisti. Lojtari ka pranuar vendimin e klubit dhe pritet të paguajë sot shumën financiare për të qenë në fushë në këtë ndeshje mjaft të rëndësishme.
FORMACIONI -
Trajneri
Pakult ka ditur të marrë më të mirën nga lojtarët që ka aktivizuar, në një kohë që ka pasur mungesa shumë të rëndësishme këto javë, si ato të kapitenit Shameti e Albi Allës në qendër të mbrojtjes dhe atë të Bakajt e Zderiçit në takimin ndaj Laçit. Por, në
ndeshjen ndaj Skënderbeut, kuksianët pritet të ndryshojnë. Duke nisur nga mbrojtja, kapiteni Shameti është në dyshim për sfidën, pasi akoma mjekët nuk e kanë dhënë OK-in që ai të luajë, por gjithsesi kapiteni do presë përgjigjen përfundimtare dhe
më pas do të vendosë. Albi Alla pritet të mungojë ndaj Skënderbeut, pasi nuk është gati. Zderiç do të jetë i grumbulluar për ndeshjen e së mërkurës, pasi mbrojtësi kroat ka porositur maskë dhe shmanget problematika e hundës për të. Kroati do të dalë
sot në stërvitje dhe do të jetë i gatshëm. Sakaq, Bakaj rikthehet në sulm. Por, me Shametin në pikëpyetje, trajneri Pakult do të vendosë vetëm ditën e fundit si do të luajë, pasi nëse rikthehet kapiteni, do i duhet të bëjë rokadë me Musollin, ku ky i fundit duhet të dalë në
mesfushë. Nga ana tjetër, Imami dhe Dzaria kanë bërë ndeshje shumë të mira, pa harruar që konkurrenca është e fortë dhe me Shkodrën, i cili kërkon një vend titullari. Me rikthimin e Bakajt, Shkodra humbet vendin si sulmues i dytë mbas Gurit.
NISJA