Lika s’ka dyshime: I marrim pikë Flamurtarit, pres golin e Bregut
Trajneri i Luftëtarit beson te vazhdimësia e rezultateve pozitive
Me objektiv vazhdimësinë e rezultateve pozitive, Luftëtari ka mbyllur dje përgatitjet për ndeshjen e sotme ndaj Flamurtarit dhe ka udhëtuar pasdite drejt qytetit të Vlorës, ku dhe ka kaluar natën e mbrëmshme. Në deklaratën e dhënë para mediave, trajneri Hasan Lika ka kërkuar nga skuadra që të mos hedhë hapin e gabuar. “Si të gjitha ndeshjet e tjera, edhe e nesërmja (sotmja) ndaj Flamurtarit ka marrë vlerësimin maksimal. Jemi të ndërgjegjshëm për shkallën e lartë të vështirësisë që paraqet 90-minutshi me Flamurtarin, nisur nga kualitetet
dhe menaxhimi i klubit vlonjat. Marrja e rezultati pozitiv është, ka qenë dhe do të jetë synimi ynë, pavarësisht faktorit fushë dhe emrit të kundërshtarit”, është shprehur fillimisht trajneri kryeqytetas.
Problemet - Në një kohë që Luftëtari pritej të ishte i plotë pas
rikthimit të të s’kualifikuarve Aleksi, Jakovljeviç e Rroca, mesfushori Behar Ramadani dhe mbrojtësi Oltion Rrapa, do t’u mungojnë bluzinjëve. Aktivizimi i Rrapës në ndeshjen me Vllazninë e ka sforcuar dhe ka humbur ndeshjen e sotme. E sikur të mos mjaftonte mungesa
e Rrapës, dëmtimi i Behar Ramadnit në seancën e fundit stërvitore ka shtuar problemet. Gjithsesi, me kontingjentin aktual, Luftëtari sipas Likës e ka luksin për t’u përballur më shumë se i barabartë ndaj cilitdo kundërshtari. “E kam thënë vazhdimisht se kam në skuadër lojtarë me eksperiencë dhe për më shumë cilësorë. Të gjithë kanë rëndësinë dhe atributin e duhur për një vend titullari. Unë besoj te potenciali i gjithsecilit”, vijoi Lika. Mosgjetja e golit javët e fundit nga Bregu dhe Abazaj, për trajnerin nuk do të thotë neglizhim apo papërgjegjsh- mëri. “Jo vetëm në ndeshjen e fundit, por dhe në të tjerat, ne kemi krijuar raste shënimi dhe nuk kemi realizuar. Kjo s’do të thotë se sulmuesit tanë kanë falur. Unë besoj te cilësitë e repartit sulmues. Shpresoj se Bregu do të shënojë nesër (sot)”, ka mbyllur Lika.