Mesi-Suarez “makineri golash”, të dy shënojnë sa 74 klube

Pasi te Barcelona kaloi koha e "MSN"-së (Mesi-Suarez-Nejmar) në sulm tri sezonet e fundit, kur katalanasit verën e kaluar humbën një pjesë kyç me brazilianin që u transferua nga Spanja në Paris (te PSG-ja), pjesa e mbetur ("MS"), me dyshen Mesi-Suarez është treguar mjaft efektive: aq mirë saqë i kanë shënuar 42 gola në La Liga, të dy së bashku, gjatë sezonit 2017-'18 (22 argjentinasi dhe 20 uruguaiani. VETËM... - Një total të tillë golash nuk kanë arritur ta regjistrojnë ende 74 nga klubet e pesë ligave kryesore europiane: në këtë mes është edhe Atletiko e Madridit (skuadër që ndodhet në vendin e dytë pas Barcelonës në La Liga dhe rivale direkte për titullin kampion) që ka shënuar vetëm 41 gola në total. Duke marrë në konsideratë vetëm kategorinë superiore spanjolle, në fakt, të vetmet klube që ka shënuar më shumë se Mesi dhe Suarez janë Reali i Madridit (62), Valencia (49), Real Betis (43), Selta Vigo (43) dhe Real Sociedadi (47). Ndërsa për sa u përket skuadrave angleze,

vetëm Mançester Siti ( 79), Mançester Junajtid (53), Liverpuli (65), Totenhemi (53), Çelsi (50) dhe Arsenali ( 51), ekipe që megjithatë renditen mes shtatë vendeve të para në Premier Ligë, kanë shënuar më shumë se dyshja e Barçës. Çiftit këtë janar iu bashkua Felipe Kutinjo, i ardhur nga Liverpuli, të cilit i mjaftuan pak

ndeshje për bërë tifozët të harrojnë Nejmarin (eurogol në fitoren 6-1 të fundjavës së kaluar). E në ndeshjen e radhës (sot ndaj Las Palmasit) mendohet të jetë pikërisht braziliani që do "udhëheqë" sulmin e Barçës, pasi Valverde hipotizoi mungesën e dyshes Mesi-Suarez në prag të sfidës të së dielës ndaj Atletikos.