Sekretet e Strakoshës...
Konfirmimi në arenën e gladiatorëve, bie "miti" i djalit të Fotos
Flet Ilir Bozhiqi, që ka punuar edhe me të atin: "Është më i mirë se Fotoja. Ja ku ndryshon me Etrit Berishën"
Tradita ka rëndësi. Aq më tepër… gjeni i trashëguar nga paraardhësit. Mirëpo, në kohët moderne, një gladiator konfirmoi madhështinë. Në "Olimpico", Thomas Strakosha hodhi poshtë njëherë e përgjithmonë mitin e të qenurit djali i Foto Strakoshës. PENALLTITË
Në botën e futbollit, penalltitë konsiderohen shpesh edhe fat. Jo vetëm për atë që i godet, por edhe për atë që është në pozitat mbrojtëse. Mirëpo, paraqitja e Strakoshës ndaj Milanit në gjysmëfinalen e kthimit të Kupës së Italisë ishin konfirmim i qartë i aftësive të tij. Përballë ishte Donaruma, por shqiptari e sfidon denjësisht. Vendimtar në 90 minuta dhe kohën shtesë, por hero me dy penalltitë e para të pritura ndaj Milanit në Romë, u dha një asist të jashtëzakonshëm shokëve të skuadrës. Pa harruar ndaljen e Dibalës nga 11 metra në minutën e katërt të kohës shtesë ndaj Juves, portieri kuqezi ka ndërtuar tashmë rrugën e tij drejt piedestalit. REAL E ÇELSI
Të gjithë e kanë ndjekur kualifikimin e Milanit që konfirmojnë formën e mirë të kuqezinjve nën drejtimin e grintozit Gatuzo, mirëpo, në fushë, prozhektorët shkëlqyen mbi gardianin shqiptar. Kaq ka mjaftuar që emri i tij të radhitet mes dëshirave të dy gjigantve evropianë si Real Madrid e Çelsi. "Harrojeni Kurtuan, ja zëvendësuesi", ishte titulli i portaleve londineze pranë "Bluve të Londrës". Titull mediatik, por mbi të dhëna për projektin në vijim të Çelsit për katërkëndëshin. "Kush tjetër më mirë se sa tifozët merenges do të kenë ndjekur çmenduritë e tij. Për Strakoshën, të cilin Reali e ka ndjekur prej kohësh për ta pasur në projekt për të ardhmen, mbase edhe kur ylli Ronaldo të varë këpucët në gozhdë", shkruhej ndër të tjera nga "cittaceleste". KOMBËTARJA
E ka nisur në Greqi, me skuadra të moshave nga ku Lacio e rrëmbeu për ta bërë… hero. Dy vite më parë, ai ishte vetëm djali i Foto Strakoshës, ish- portierit të Kombëtares shqiptare. "Olimpico" theu një mit: të qenurit djali i Fotos. Tashmë, Shqipëria ka Thomas Strakoshën. Ndërsa Foto është babai krenar i portierit të Lacios, Thomasit.