Duro: Na mungoi një fantazist
"Kishim erën kundër, Luftëtari e mena hoi më mirë situatën dhe na ndëshkoi"
Shpëtim Duro ka qën druar për rreth 30 minuta i "ngujuar" në dhomat e zhveshjes pas humbjes që skuadra e tij pësoi ndaj Luftëtarit. Tekniku i skuadrës vlonjate nuk e priste këtë disfatë, ndërsa në intervistën e tij për "Super Sport" pas takimit, fajësoi mungesat dhe erën për humbjen. Tekniku nuk pranoi që të kishte nënvlerësim ndaj Luftëtarit. "Luftëtari e menaxhoi më mirë situatën. Patëm vështirësi për shumë faktorë, dëmtimet, mungesat, ndryshimi i detyruar i pozicioneve. Gjithashtu, ndikuan edhe kushtet atmosferike, një erë e fortë në pjesën e dytë, që e kishim kundër. Nuk po them që ishte një faktor kryesor, por na e vështirësoi lojën", tha ndër të tjera Duro.
Nuk e shfrytëzuat dhuratën nga Kukësi që u ndal ndaj Skënderbeut. Çfarë ndodhi në këtë ndeshje, që u mundët?
Edhe humbjet janë pjesë
e futbollit. E kisha parashikuar si një ndeshje të vështirë. Luftëtari është i rrezikshëm jashtë fushe. Në pjesën e parë luajtëm më mirë, patëm mundësi të shënonim. Në fillimin e së dytës u goditëm, Luftëtari e menaxhoi më mirë situatën.
Patëm vështirësi për shumë faktorë, dëmtimet, mungesat, ndryshimi i detyruar i pozicioneve. Gjithashtu, ndikuan edhe kushtet atmosferike, një erë e fortë në pjesën e dytë që e kishim kundër. Nuk po them që ishte një faktor kryesor, por na
e vështirësoi lojën.
Luani në 6 transferta të vështira në javët në vazhdim, a ndryshon objektivi i Flamurtarit?
Si ato brenda, edhe ndeshjet jashtë, janë të vështirë. Ne do vazhdojmë punën tonë. Tani kemi shumë vështirësi
sepse kemi shumë lojtarë me kartonë dhe të dëmtuar.
Sa mungoi fantazia e Muaremit, Xhufos, Alveshit, pasi dihet që janë lojtarë kryesorë?
Ata janë ndër lojtarët më fantazistë. Nuk do jenë edhe për disa ndeshje dhe na kanë dëmtuar. Kalimi i Pollozhanit në mesfushë e ndryshon ritmin e lojës. U detyruam të spostojmë Zukën në mbrojtje dhe kishte vështirësi. Futbolli i tillë është, nëse do shënonim, do bënim një lojë ndryshe në të dytën. Mbuluam treshen sulmuese
dhe nuk patëm rrezikshmëri nga Luftëtari, por goli na e vështirësoi takimin.
Përveç mungesave, a mungoi agresiviteti në këtë takim, pasi në përballjet me Skënderbeun apo Kukësin shihet një Flamurtar tjetër?
Nuk bëhet fjalë për nënvlerësim. E kam thënë, të gjitha skuadrat janë të forta. Luftëtari është një skuadër e rrezikshme. Këto janë momente të lojës që përcaktojnë zhvillimin e lojës. Një gol në pjesën e dytë e vendosi takimin. Era e fortë na e bëri të vështirë të krijojmë aksione.