Vllaznia ankohet me të drejtë, arbitrat e...vjedhin
Në ndeshjet e tjera, gjykimi nuk ka qenë përcaktues
Java e 22-të e Kategor isë Superiore është mbyllur me më pak polemika për gjykimin. Vllaznia ka qenë skuadra që e ka pësuar, pasi goli i fitores për Laçin ka ardhur nga një aksion, i cili duhej ndërprerë për goditje dënimi.
KUKËSI - SKËNDERBEU 2-2
Gjyqtarë: K.Kola, E.Doda, E.Pashaj / B.Ziri, I.Myrtja
-Kryesori Kola e menaxhoi mirë takimin së bashku me ndihmësit e tij, edhe pse lejoi lojën e fortë dhe në disa raste është treguar disi i kursyer me kartonët. I vetmi rast i diskutueshëm në këtë ndeshje, ka qenë ai i minutës së 82. Ymeraj, i sapofutur në lojë, lëshon një goditje të fortë në drejtim të portës kundërshtare, por topi ndalet nga Mici dhe vendasit pretendojnë për 11 metërsh. Megjithatë, kryesori vazhdoi lojën me të drejtë, pasi nuk kishim të bënim me një penallti.
LAÇI - VLLAZNIA 1-0 Gjyqtarë: O.Sokoli, G.Qirici, D.Agaraj -Momenti i parë i diskutueshëm në këtë ndeshje ishte në minutën e 8', kur Rexhinaldo, pasi kalon dy mbrojtës, rrëzohet në hyrje të zonës së Vllaznisë, por kryesori me të drejtë lejon vazhdimin e lojës pasi nuk ka kontakt.
-Rasti më i diskutueshëm, që vendosi edhe rezultatin e takimit, ishte ai i minutës së 44-t, kur Uzuni shënoi golin e fitores për ekipin e tij. Fangaj arrin të futet mes dy mbrojtësve dhe Mersini i merr topin, por më pas rrotullohet dhe rrëzohet. Mes tij dhe lojtarit të Laçit ka një kontakt, por loja vazhdon dhe Nika kroson për Uzunin që shënon. Moment shumë i diskutueshëm, edhe pse nga pamjet filmime, në të paktën tri pozicione, duket se ka pasur një kontakt mes lojtarit kurbinas dhe atij të shkodranëve, por arbitri anësor, i cili kishte pamje të qartë, ka gabuar duke mos sinjalizuar ndalimin e lojës për goditje dënimi në favor të Vllaznisë.
-Në minutën e 47' të takimit, pas një krosimi në zonën kurbinase topi preket me dorë nga një prej mbrojtësve. Rast shumë i dyshimtë dhe nga pamjet filmike duket se kemi të bëjmë me penallti të mohuar për Vllazninë. KAMZA - TEUTA 1-2 Gjyqtarë: K.Meta, D.Rexha, R.Dobruna
- Në minutën e 52- të të
takimit, Realdo Fili merr një pasim nga një prej shokëve të skuadrës dhe nis një aksion të rrezikshëm. Por, arbitri anësor ngre flamurin për pozicion jashtë loje, duke i hequr futbollistit kamzali për të rrezikuar portën kundërshtare. Në pamjet filmike duket qartë që kemi të bëjmë me një vendim të gabuar të asistentit, pasi Fili ishte në pozicion të rregullt.
-Në minutën e 74-t, Raçiç arrin të gjejë rrugë e rrjetës, por goli është anuluar nga kryesori Meta. Në një krosim në zonën vendase, portieri Moçka del për të kontrolluar sferën, por sulmuesi shtatlartë ia heq topin nga dora. Në këtë rast kemi të bëjmë me goditje dënimi në favor të Teutës dhe me të drejtë një gol të anuluar.
FLAMURTARI - LUFTËTARI 0-1 Gjyqtarë: E.Jorgji, E.Ganxhi, R.Preca
-Në minutën e 10-të ka një aksion të bukur me një takim të Luftëtarit. Shkurtaj ul mirë për Bregun që shërben Abazajn në të djathtë, i cili del i
vetëm përballë portierit, por anësori Ganxhi ngre flamurin për pozicion jashtë loje. Nga pamjet filmike duket qartë që është një pozicion i rregullt, madje me disa metra. Gabim i anësorit.
-Në minutën e 31-të, krosim nga e djathta në zonën e Luftëtarit dhe pas një devijimi të lehtë me kokë, sfera përfundon aksidentalisht te dora e Jakovljeviç, që e ka të ngjitur me trupin. Gjyqtari Enea Jorgji që ka një pamje shumë të pastër dhe është pranë aksionit, vepron drejt duke mos akorduar penallti.
- Në minutën e 60- të një goditje nga jashtë zone e Hoxhajt dhe topi përplaset në gjoksin e Beqirit, ndërsa vlonjatët pretendojnë për penallti. Por, nga pamjet filmike duket qartë se ishte vendim i drejtë i Jorgjit për të mos akorduar 11 metërsh. PARTIZANI - LUSHNJA 6-0 Gjyqtarë: O.Kuka, R.Avdo, A.Shkreta Në këtë ndeshje nuk ka pasur raste për moviolë.