Nge Barça, La Ligan e rihap!!! arbitri
Pësojnë penallti pas 5 muajsh, Mesi bën 5$$ gola
Më shumë se sa Las Palmasi, Barce lonën e ndali... arbitri. Antonio Mateo Lahoz, nga mbrëmja e djeshme, do të jetë një nga personat më të urryer në Katalunjë, pasi arbitri i tij ishte një katastrofë e vërtetë, duke nervozuar jo pak kryesuesit e "La Ligas" spanjolle, duke qenë se pas barazimit 11, tashmë Lionel Mesi me shokë, vetëm tri ditë nga dueli direkt me Atletikon e Madridit, e gjen veten vetëm në 5 pikë distancë. Dhe me një fitore të djemve të Simeonez, kampionati është më shumë se i hapur. Las Palmas nga ana e tij, falënderon dhe merr një pikë që ngjan si fitore, duke llogaritur se është në luftë të plotë për mbijetesën. Ndërsa Mesi shënon golin e 599-të në karrierë, në një nga të paktat stadiume spanjolle, që nuk kishte festuar.
NDESHJA
Më shumë sesa lojtarët në fushë, protagonisti kryesor i sfidës ishte arbitri Lahoz, me polemikat që startuan që në minutën e 16-të. Vendasit protestojnë për penallti, teksa një krosim nga e djathta devijohet me dorë nga Iniesta, edhe pse krahu i katalanasit ishte dukshëm i ngjitur pas trupit. Loja është tepër e ashpër dhe ndalesat janë të shumta, por ai që merr masat, është Lionel Mesi, i cili në të 21-ën zgjedh rrugën më të lehtë për avantazhin. Goditje dënimi në hyrje të zonës, nga jo më shumë se 18 metra dhe e majta e pleshtit është në trekëndëshin, në krahun e portierit. "Pleshti" feston golin e 599-të në karrierë (538 me Barcelonën, 61 me kombëtaren), i 22-ti me goditje dënimi direkte, në kampionat. Me epërsinë e golit, Barcelona kontrollon më e qetë lojën, edhe pse duelet në fushë janë të ashpra dhe ngado fluturojnë kartonë të verdhë, por mbi të gjitha mungon një i kuq. Në sekondat e fundit të pjesës së parë, portieri Çiçizola zgjedh që të dalë jashtë zonës së tij për të ndaluar Suarezin dhe e bën
këtë, por topi prek dukshëm dorën e tij, por për arbitrin Lahoz, përjashtimi nga fusha nuk ekziston. Barça zbret e revoltuar në tunel, por kur ngjitet për pjesën e dytë, xhindoset. Nuk kalon as minuta e parë e lojës dhe "bilbili" vërshëllen një penallti për një kontakt që thuajse ekziston në zonën katalanase: Roberto qëndron në vend, ndërsa Aguirregaraj rrëzohet përpara tij në tentativën për të goditur topin. Për arbitrin është penallti, ndërsa
as vetë vendasit nuk protestuan për një faull të tillë. Katalanasit shfryjnë vrer, ndërsa Kajeri me qetësi transformon nga pika e bardhë. Me Barcelonën që nuk pësonte gol nga ky pozicion, prej afro 25 muajsh (hera e fundit 14 shkurt 2016). Tensioni mbizotëron në fushë, Mesi me shokë nervozohen dhe kur duan të luajnë, ndalen nga Las Palmasi, i cili nuk ngurron që të përdorë edhe muskujt. Trajneri Valverde mundohet të ndryshojë gjërat
duke hedhur në fushë edhe Kutinjon, Rakitiçin e Dembelenë, por ndërsa Mesi dhe Suarez ngatërrohen mes tyre dhe falin një gol me portën gati të boshatisur, nga ana tjetër, Las Palmasi rrezikon përmbysjen e çmendur, në kundërsulm, por edhe pas 6 minutash shtesë, asgjë nuk ndryshon. Sfida përfundon 11 dhe tashmë kampionati është totalisht i hapur sepse Atletiko e sheh vetëm 5 pikë larg Barçën.