Lamtumirë Kapiten, futbolli botëror qan Astorin
Të gjithë njëzëri: Kampion, brenda dhe jashtë fushe
illimisht Udineze - Fiorentina e më pas e gjithë Seria A, u solidarizua me vdekjen e Davide Astorit. 31- vjeçari merr sot lamtumirën e fundit, teksa në rrjete sociale të gjithë shokët, kolegët, miqtë, janë munduar ta përshëndesin e t'i thonë "mirupafshim" mes rreshtash, kujtimesh dhe buzëqeshjesh.
BUFON: "Nuk e kam zakon të shprehem në rrjete, por ti ishe një njeri me zemër të madhe dhe përjashtimi që po bëj, ia vlen. Vajza jote duhet ta dijë se çfarë babai ka pasur".
TOTI: "S'më besohet, jam i shokuar nga kjo tragjedi. I jam pranë familje tënde".
PIRLO: "Gjithmonë ikin më të mirët. Rrugë të mbarë miku im!"
NAINGOLAN: "Lojtar, por mbi të gjitha, njeri i madh. Sa beteja në Kaljari përpara se të vinim së bashku te Roma. Nuk më besohet".
MILAN: "Të tronditur nga humbja tragjike e Davides, një djalë i dashuruar me futbollin dhe jetën, për më tepër i rritur te ne. Ndjejmë një dhimbje të madhe. Ngushëllime familje dhe Fiorentinës!"
IKARDI: "U prehsh në paqe Davide!".
MONTELA: "Privilegj të punoja me ty Davide!"
DIBALA: "Nuk kam fjalë, u prehsh në paqe!"
ISH- KRYEMINISTRI RENXI DHE TIFOZ I ZJARRTË VJOLLCË: "E pamundur ta besoj. Me familjen tënde dhe Fiorentinën, vajtoj edhe unë sot kapiten!"
OBAMEJANG: "Të njoha në kohët e Milanit dhe e pata për nder. Ndihem i tronditur për këtë humbje".
JUVENTUSI: "Nuk ka dallim ngjyrash, por vetëm një dhimbje të madhe".
SEDORF: "Jeta është e çmuar dhe duhet shijuar çdo ditë. David, të falënderoj sepse ke qenë një rival i drejtë".
UEFA: "Ngushëllimet tona më të sinqerta për familjen dhe miqtë".
BAREZI: "Tragjedi e pabesueshme, nuk kam fjalë ta përshkruaj dhimbjen time. Të pashë të rritesh dhe ndihesha krenar për rrugën tënde. Dheu të qoftë i lehtë Davide!"
BORHA VALERO: "Nuk mundem dhe nuk dua ta besoj. Pusho i qetë mik!".
BONUÇI: "I madhi Asto, shkove të luash atje lart dhe e di se do ta bësh me buzëqeshjen tënde. Je i madh o miku
im. Do të na mungosh".
MALDINI: "Jeta ndonjëherë është mizore. Fjalët nuk mund të shpjegojnë dhimbjen dhe nuk ka lot mjaftueshëm për të vajtuar humbjen tënde. Të pushosh i qetë kampion!"
ZANETI: "Të qoftë dheu i lehtë Davide, çdo fjalë
tjetër do të ishte e tepërt!"
TOMOVIÇ: I dashur Astori, ishe një person special për mua! Ishte nder të luaja perkrah teje dhe të ndaja shoqerinë me ty. Me prit sepse edhe unë do te vi. Do te vi të pimë ndonjë gotë verë. Shoku yt, Nedad!