)arti*ani, “Mbret” i kupave në volejboll

% eshkuj& "'emat" ruajnë fronin përballë Studentit

Historike për skuadrën e Partizanit. Për herë të parë në histori, fiton një kupë të Shqipërisë në volejbollin e femrave. Vajzat e drejtuara nga trajneri I oland Tarja kanë mposhtur me vështirësi skuadrën absolute të 4 viteve të fundit në këtë sport, skuadrën e Barletit. Partizani ka fituar dje pasdite 3-1 ndaj Barleti Volej në finalen e luajtur në sallën sportive "Feti Borova", pranë Tirana Olimpik Park. Një fitore e vështirë, por e merituar e skuadrës së trajnerit Ioland Tarja, që, megjithëse e nisi keq duke e humbur setin e parë, më pas arriti të rikuperonte dhe të përmbyste shifrat në tri setet e tjera. Skuadra e Barletit zhvilloi një ndeshje mjaft të mirë. Ka rivalizuar deri në fund, por skuadra e Partizanit ishte më superiore, ku binte në sy loja e bukur e dy volejbollisteve amerikano- latine, të cilat e kanë ngritur ndjeshëm nivelin e ekipit të "kuq". Edhe tifozët e shumtë të pranishëm në këtë finale mbetën të kënaqur nga rivali i treguar, një ndeshje me shumë emocione mes dy skuadrave më të mira. Madje, këto dy skuadra do të jenë dhe pretendentet për titullin kampion. Partizani fiton për të dytën herë në histori Kupën, trofe që vjen pas 64 vitesh mungesë. Takimi ka qenë i ekuilibruar gjatë gjithë kohës, me barazime të shpeshta dhe emri i skuadrës fituese mbeti në dilemë deri në fund. Skuadra kampione mundi të "kuqtë" 26-24 në setin e parë. Por Partizani reagon mirë në tri setet e tjera, duke i fituar 25-20, 25-19 dhe 25-17.

MESHKU

Pas një atmosfere të ndezur të krijuar nga vajzat e Partizanit, në orën 19:00 nisi takimi tjetër final, ai meshkujve, ku përballë ishin Partizani e Studenti, ndeshje kjo që u fitua nga skuadra e Jlli Tomorit. Skuadra e "kuqe" mposhti 3-0 Studentin. Ka qenë një fitore e lehtë, ashtu sikurse edhe pritej e skuadrës së Partizanit, që në të tria setet pati epërsi në fushë, e dominoi lojën dhe arriti t'i fitojë setet me diferenca pikësh. Studenti nuk pati asnjë shans të fitonte të paktën një set, duke bërë një lojë me hope, e gjithnjë ka qenë në ndjekje të Partizanit. Të tria setet ishin nën komandën e "demave", të cilët i udhëhiqte kapiteni i skuadrës Klodian

Kasa, në një epërsi gjatë gjithë kohës, duke u shkëputur dhe fituar me lehtësi 25-16, 25-18 dhe 25-21. Vetëm në pikët e para të setit të tretë, Studenti rivalizoi disi, por u thye shpejt. Ka qenë një lojë e brishtë e skuadrës së trajnerit Altin Demi, që edhe pse tregoi

dëshirë, nuk mjaftoi. Partizani, më i kompletuar dhe më i fortë teknikisht, e meritoi fitoren duke mbrojtur trofeun e fituar një vit më parë. Në fund, të kuqtë festuan me meritë këtë trofe. Ka qenë një sukses i dyfishtë për klubin e kuq, si me meshkujt, ashtu dhe me femrat.