Gjeniu i pasimeve, Mavraj, më mirë se Myler e Riberi
Renditja, ka pësuar më shumë faulle se yjet e Bajernit
Eksperienca dhe sig uria në vetvete e bëjnë një futbollist që të tregojë në fushë gjithmonë më të mirën e tij në nivele të larta. Mërgim Mavraj, me ndryshimin e trajnerit te skuadra e Hamburgut, ka humbur edhe paletat e titullarit, pasi ekipi ka vijuar që të paraqitet dobët dhe të jetë i rrezikuar për qëndrimin në Bundesligë. Mirëpo, statistikat dhe të dhënat për futbollistët e kampionatit gjerman e bëjnë shqiptarin që të renditet edhe më mirë sesa shumë prej yjeve të Bajernit, nisur nga pasimet e sakta apo edhe për numrin e faulleve të pësuar deri në këtë fazë të sezonit. PASIME TË SAKTA Shpeshherë, roli i një qendërmbrojtësi është shumë më i rëndësishëm sesa shumë të tjerë futbollistë në një formacion. Jo vetëm për aspektin e ruajtjes së portës, por edhe në organizimin e lojës. Për ekipe që bëjnë lojë të shtruar, mënyrë e përqafuar gjerësisht nga ekipet së fundmi, portieri pason te një prej mbrojtësve për të startuar lojën në vend që të shkelmojë sferën përpara. Kjo bën që lojtarët e prapavijës të vendosen shumë herë në kontakt me topin. Si një lojtar me numër të madh pasimesh të sakta, në bazë të statistikave të deritanishme nga kampionati gjerman, referuar faqes me të dhëna statistikore "ran. de", Mërgim
Mavraj renditet më sipër në klasifikim sesa shumë prej yjeve të Bajernit. Në renditje, shqiptari është disa vende më sipër sesa Tomas Myler, Frenk Riberi, Koman apo edhe një lojtari të talentuar si Gorecka. Qendërmbrojtësi kuqezi i Hamburgut ka regjistruar 492 pasime të sakta deri më tani, më shumë sesa emrat e sipërpërmendur. FAULLE TË PËSUAR Shifrat, shpesh janë më kokëfortë sesa opinioni i krijuar. Hamez Rodriges, Gëce
apo Myler janë gjithmonë nën vëmendjen e mbrojtjeve kundërshtare e, për pasojë, mund të krijohet ideja se dëmtohen më shpesh dhe goditen më shpesh nga kundërshtarët se shumë role të tjera. Mirëpo, statistikat tregojnë se është sërish qendërmbrojtësi i Hamburgut që ka pësuar më shumë faulle sesa të tre të sipër përmendurit. Mavraj e Abrashi kanë pësuar respektivisht 20 dhe 19 faulle deri më tani, ndërsa Myler e Gëce nga 18 dhe Rodriges 17.