Salah kërkon hakmarrje

“Junajtid është i vetmi ekip nga 6-të të parët që nuk i kam shënuar ende”

elsi u kurorëzua ka mpion në 2015-ën, por për shkak të rregullave të Premier Ligës, vetëm lojtarët që kishin mbi 5 ndeshje do të merrnin medalje. Dhe Zhoze Murinjo kishte një ide: portugezi i kërkoi klubit të blinte disa kopje medaljesh kështu që t'ua shpërndante edhe futbollistëve të tjerë, përfshirë Mohamed Salahun, të cilin e kishte huazuar te Fiorentina. Portugezi e transferoi egjiptianin nga Bazeli për 11 milionë paund, por në "Stamford Bridge" ai regjistroi vetëm 19 ndeshje, përpara se të huazohej në Itali dhe më pas të përfundonte te Roma. Por i rikthyer këtë sezon në Premier Ligë te Liverpuli, ai ka shënuar 32 gola në të gjitha kompeticionet dhe ka një hakmarrje për të marrë. Mohamed Salah kërkon rekordin e ndëshkimit të secilit prej 6 ekipeve të para të Premier Ligës, kur Liverpuli të udhëtojë sot drejt "Old Trafford" për t'u ndeshur me Mançester Junajtid. Sulmuesi i Liverpulit është golashënuesi më i mirë i Premier Ligës këtë sezon së bashku me Herri Kejnin (24 gola) dhe u ka shënuar kryesuesve të Sitit, Totenhemit, Çelsit dhe Arsenalit. "Në ndeshjen e parë më kujtohet pritja e De Geas. Humba edhe një tjetër rast të thjeshtë në atë sfidë, por David është i jashtëzakonshëm. Mezi po e pres sfidën ndaj Mançester Junajtid Salah u shpall sërish lojtari i muajit në Premier Ligë ditën e djeshme

dhe De Geas. Ai është një portier i shkëlqyer, por Junajtid është e vetmja skuadër nga 'top 6', së cilës unë nuk i kam shënuar këtë sezon, kështu që mezi po e pres", tha sulmuesi egjiptian gjatë intervistës për ishmbrojtësin e Liverpulit, Xhemi Karrager, në "Sky Sports".