Hoxha akuzoi: Shulkundërhyn te arbitrat
Arsen Hoxha, ish- gjyqtari i shquar shqiptar me stemën e FIFA-s dhe më pas ish-drejtues në sektorin e arbitrimit në FSHF, ka qenë tepër kritik me episodet e ndodhura së fundmi në futbollin shqiptar, ku në qendër të vëmendjes kanë qenë sërish vendimet e gabuara të xhaketave të zeza tha për "Panorama Sport": "Duket qartë se në vazhdimësi do të shikojmë arbitra arrogantë, të përdorur që do të abuzojnë me të drejtën arbitrare për të plotësuar dëshirat e shefave apo edhe të tyret personale. Të them të drejtën, shpeshherë më ka bërë përshtypje qëndrimi, mimika dhe gjestet e tyre. Ata kanë qenë shpërfillës ndaj interesave të sportdashësve, sportistëve dhe drejtuesve të tyre. Arbitri Kridens Meta mund të merret pa dyshim si përfaqësuesi më i zellshëm i këtij grupi arbitrash, që me arrogancë përdorin standarde të ndryshme gjykimi. Kam bindjen se nëse një ditë zoti Ilir Shulku në detyrën e ish-Shefit të Garave dhe aktualisht në detyrën e Sekretarit të Përgjithshëm të FSHF-së, do të vendosë të bëjë një shkrim mbi përdorimin e arbitrave nga zyrtarët e tyre dhe mënyrën e zgjedhjeve të të gjitha kategorive të organizuara në FSHF, fatmirësisht nuk do t'i dalë një shkrim i thjeshtë, por një roman me shumë fletë...
Sekretari
Pas intervistës së ish-dizenjatorit të arbitrave në FSHF, Arsen Hoxha, i cili etiketoi edhe Sekretarin e Përgjithshëm të FSHF-së, gazeta kontaktoi me Ilir Shulkun, për të marrë prej tij një reagim në lidhje me akuzat, por ky i fundit nuk pranoi.