Abazaj: Na shkundi Partizani
Sindri Guri: Në pjesën e dytë ishim shumë dobët, kurrë nuk kemi luajtur kështu
ristal Abazaj vazhdon të jetë deciziv për Luftëtarin. Edhe pse dje ishte në rolin e tij jo natyral për të bërë sulmuesin kryesor, ia doli që të ishte i rrezikshëm në çdo moment dhe të shënonte edhe një erogol në pjesën e parë.
ABAZAJ - Pas ndeshjes së djeshme, lojtari më i mirë në fushë u shpreh: "Më vjen mirë që gjeta golin e munguar prej javësh. Gjendja fizike dhe psikologjike më ka bërë të vuaj mungesën e golit. Momenti erdhi dhe them se nuk do të jetë i fundit. Nuk ka rëndësi se kush shënon, e rëndësishme është fitorja dhe tri pikët". I pyetur nëse kishim të bënim me penallti ose jo në një moment në fundin e pjesës së parë, Abazaj me dozën e humorit tha: "Më mirë që arbitri nuk e dha penallti se nuk do të kisha bërë gol. Goli i djeshëm është dedikim për familjen time që më rri afër dhe më jep forcë për të shkuar më përpara", tha autori i tetë golave, Kristal Abazaj. Ndërsa, në lidhje me humbjen ndaj Partizanit dhe një mundësi që të jetë bashkë me Gurin në sulm në të ardhmen, lojtari deklaroi: "Nuk është turp të mundesh nga Partizanit, por ashtu si u mundëm, me 3 gola, ishte e pafalshme. Është e vërtetë që vija pas 3-4 ndeshjeve me lëkundje. Kam pasur disa probleme fizike. Unë kur jam në 100%, jap më të mirën time. Sot jam i kënaqur për 3 pikët e marra. Jemi mundur 2 herë në Tiranë dhe nuk kemi shfaqur një formë të mirë. Për sa i përket Gurit, është një lojtar mjaft i mirë dhe do ishte mirë të isha në një repart sulmi me të", deklaroi sulmuesi i Lutëtarit.
GURI - Edhe pse shënoi golin e parë dhe të vetëm për të tijtë me shpresën se do t'i sillte trepikëshin Kukësit, shkodrani 24vjeçar duket se e përjetoi jo
mirë humbjen me Luftëtarin. Pas ndeshjes, Guri tha: "Jam i kënaqur për golin që shënova, por jo për rezultatin e ndeshjes. Si asnjë takim më parë, nuk kemi luajtur kështu. Patëm rënie të theksuar të lojës pas shënimit të golit. Pjesën e dytë kemi luajtur shumë dobët. Ishte lojë jo e ekipit tonë. Shpresoj të mos përsërisim të tilla ndeshje. As vetë nuk e kuptuam sesi erdhi rezultati. Meritë ka edhe Luftëtari që di të luajë futboll të bukur. Nuk kënaqem me golin, pasi duhet të fitonim", tha Guri.