Lika: Nuk bëj shembuj, Abazaj përballon këdo
Trajneri i Luftëtarit, Hasan Lika, bëri disa ndryshime në sfidën e djeshme duke lënë në stol tre lojtarë kryesorë, portierin Shkëlzen Ruçi, mbrojtësin Ardian Beqiri dhe sulmuesin Eri Lamçja. Pas ndeshjes në intervistën e tij për "Super Sport", tekniku foli për zgjedhjet që bëri dhe për fitoren e rëndësishme ndaj Kukësit.
LIKA - "Sot( dje) më gëzojnë pikët dhe loja. Ndryshim rrënjësor nga ndeshja e kaluar. U bëmë shumë të rrezikshëm dhe kjo na bëri që ta fitojmë ndeshjen, edhe pse humbën edhe të tjera raste, por si tri pikët edhe loja ishin në nivelin e duhur. Si drejtuesit, tifozët, stafi, të gjithë kanë bërë mirë. Dua të falënderoj tifozët që na kanë qëndruar shumë pranë dhe e kemi thënë që rezultatet do vinim, por besimi te futbollistët kanë bërë të marrim rezultate. Kemi dhënë maksimumin në stërvitje dhe prandaj kemi arritur këto rezultat dhe tani na bëjmë të qetë. I kam kërkuar ekipit që të paktën të sigurojmë Kupat e Europës. Në bëmë disa ndryshime. Fillimisht e vendosëm Mingën në krahun e djathë, por nuk na eci. Ai ka pjekuri dhe kishim nevojë më shumë për të. Lamçe është lojtar i mirë, por ka disa probleme që mund të na rrezikonte në marrjen e topit sepse kundërshtari ka kualitet dhe arritën të na shënonin një gol të tillë. E gjitha ishte për shkaqe taktike. Ruçi dhje Beqiri nuk janë në një gjendje të mirë psiko- fizike. Beqiri kishte probleme edhe muskulore dhe ishin zgjedhje taktike. Nuk mendoj se trajneri duhet të largojë lojtarë nga formacioni për t'i bërë shembull, por për arsye psiko- fizike. Abazaj vuajti sepse kishte përballë dy mbrojtës si Alla dhe Shameti, por gjithsesi ai mund të përballojë këdo me cilësitë që ka. Shpeshherë i bëri mirë detyrat, edhe pse më vonë përsëri ndryshuam taktikë", tha Lika.