Tomori, presion Tiranës
Çaço: Kam luajtur me bardheblutë dhe i njoh, momenti që t’i mundim
omori në këtë edicion u konsiderua si rivali i vetëm që mund të rivalizonte Tiranën. Ndonëse me një grup futbollistësh shumë herë më modest, ekipi beratas përgjatë fazës së parë të krijonte impaktin e një skuadre surprizë që mund t'i bënin ballë kryeqytetasve të rënë në një kategori më poshtë. Deri diku, skuadra beratase e kreu këtë mision, ku në javët e para të kampionatit klasifikohej pas Tiranës në tabelën e klasifikimit. Por, tashmë gjërat kanë ndryshuar dhe Tomori ndodhet në vendin e pestë të renditjes dhe nuk konsiderohet aspak si skuadra e rrezikshme për Tiranën.
ÇAÇO - Mirëpo, në një prononcim për "Panorama Sport", futbollisti Ervis Çaço shprehet totalisht ndryshe, duke thënë se Tomorit nuk i ka humbur dëshira për të fituar dhe ndaj kryeqytetasve do të kërkojnë medoemos tri pikët. "Tomori vijon të mbetet një ekip i fortë. Pavarësisht se ne ndodhemi në vendin e pestë, skuadrës ende nuk i ka humbur dëshira për të fituar. Vijmë pas një jave pushimi dhe kemi bërë përgatitjet e mjaftueshme
ORIKUMI për të mundur Tiranën në kryeqytet. Nuk ka asgjë të pamundur pasi gjithnjë kemi treguar baraspeshë në lojën e zhvilluar kundër tyre. Marrim rastin e fundit ku u ndëshkuam vetëm për fajin e gjyqtarit, madje diçka të tillë e nxori edhe Moviola. Unë e respektoj Tiranën pasi kam qenë dikur pjesë e tyre, mirëpo në këtë përballje do t'i mposhtim dhe diçka të tillë do e tregojmë në fushën e lojës. Në takimet që kanë mbetur deri në fund, do të tregojmë se jemi një ekip serioz dhe vlerësojmë çdo rival. Jemi një grup lojtarësh të rinj që kanë dëshirë të japin maksimumin. Besoj se do ta surprizojmë Tiranën në ndeshjen që do luajmë në kryeqytet", përfundoi prononcimin e tij, mesfushori i Tomorit, Ervis Çaço. Ndeshja do të luhet të shtunën në "Selman Stërmasi" pa tifozë, pasi fusha e skuadrës bardheblu është dënuar. Në dy takimet e këtij sezoni që kanë luajtur me njëra-tjetrën, Tirana ka fituar ndaj Tomorit.