Tirana, stërvitje “alla Koverçano”
“Kopje e Xhani De Biazit”, taktikë dhe punë me reparte të ndara për kryeqytetasit
Tirana do të përbal let me Tomorin në shtëpi, mirëpo përgatitjet në qendrën stërvitore bëhen sipas stilit italian të trajningut. Kategoria e parë nuk u përshtatet kryeqytetasve dhe kjo gjë vërehet edhe nga puna që kryhet në kompleksin "Skënder Halili". Ze Maria, me stafin e tij, ka drejtuar dje një seancë stërvitore "alla konverçano", shkolla e përgatitjes së trajnerëve në Itali.
PËRGATITJET - Kushdo që ka ndjekur stërvitjet e Kombëtares së futbollit, kur drejtohej nga Xhani De Biazi, mund të gjejë krahasime dhe të përafërta edhe te puna që kryhet në "Skënder Halili". Ze Maria, me stafin e tij, ka drejtuar edhe dje një seancë me filozofinë italiane të futbollit, duke përgatitur Tiranën për ritme maksimale loje. Përballë do të jetë skuadra e fundit e grupit "play off", mirëpo intensiteti gjatë javës stërvitore të kryeqytetasve është i lartë.
REPARTET - Për një kohë të gjatë në karrierën e tij, Ze Maria ka qenë pjesë e futbollit italian dhe puna me skuadrën i ngjason asaj. Dje, trajneri i kryeqytetasve punoi me reparte të ndara. Për disa minuta ishte vetëm mbrojtja
nën urdhrat e tij, ndërkohë që pak më vonë u bashkua edhe reparti i mesit të fushës. Më vonë, tre sulmues duhet të sulmonin dy repartet e mbrojtjes dhe mesfushës. Me lojën, e cila ndalej sa herë që trajneri vinte re diçka që nuk
shkonte si duhet, Ze Maria dhe stafi i tij kuronte çdo veprim të skuadrës për secilin repart. Pjesa tjetër e seancës stërvitore u plotësua me ushtrime për rezistencën fizike, por edhe për përsosmërinë në pasime dhe veprimet me topin.