"U kualifikuam kur shkoi 7-0, kemi marrë shumë të verdhë"

Jup Hejnkes është i kënaqur nga prezantimi i skuadrës së tij në të dyja ndeshjet kundër Beshiktashit, ndërsa kritikoi Humelsin dhe Boatengun për kartonët e verdhë. "Nëse do t'i analizojmë të dyja ndeshjet, atëherë mund të themi se jemi kualifikuar duke dominuar. Beshiktashi nuk mundej në shtëpinë e vetë prej kohësh dhe mund të vihej re se është një skuadër shumë e fortë. Nuk është e lehtë të fitosh këtu. Kur rezultati i përgjithshëm shkoi 7-0, atëherë u bë e sigurt se ne ishim në çerekfinale. Ndonjë defekt i vogël tek-tuk, por kjo është normale", tha trajneri i Bajernit në lidhje me ndeshjen. Kartonët e Humels dhe Boa - "Unë e kisha paralajmëruar përpara ndeshjes. Kur humbet në transfertë, kërkon ta përmbysësh në shtëpi. Kjo është e vetmja dobësi e jona. Kemi marrë shumë kartona të verdhë".

VAGNER - Pas kritikave në javët e para, duket se Sandro Vagner ka fituar besimin e 72-vjeçarit: "Ka fituar një pozicion të shkëlqyer. Ai është kureshtar për të mësuar dhe stërvitet shumë mirë. Ka shënuar gjithashtu shumë gola. Jam i kënaqur gjithashtu që realizoi në Champions. Kur situata është e vështirë, mund ta hedhësh në fushë dhe të shpresosh se ai do të shënojë".

RUMENIGE - Shefi i bordit, KarlHainc Rumenige, e komentoi deklaratën e pensionit të Hejnkesit në fund të sezonit si një hap pas, pasi trajneri kishte pranuar se do ta rishikonte pozicionin e tij dhe se nuk kishte marrë ende një vendim për të ardhmen. Por Hejnkes thotë: "Unë nuk kam folur me KarlHaincin. Ne e ndoqëm ndeshjet në sallën e konferencave të martën, por nuk folëm me njëri-tjetrin".