‘Uragani’ Inter sheh Champions-in
Ditë perfekte e zikaltërve, zgjohet edhe Perisiç. Liga e Kampionëve, e mundur
Papritmas duket përsëri teknik, i bin dur dhe kompakt si tre muaj e gjysmë më parë. Interi i çmendur nuk resht së surprizuari dhe ditën e djeshme shkatërron Sampdorian, një fushë që prej vitesh ka qenë e mallkuar. Katër gola në një pjesë dhe 5 në total, ashtu si në ndeshjen e fundit bindëse në 3 dhjetor kundër Kievos. Kopertina e ditës për Mauro Ikardin, që shënon 4 gola dhe arrin në kuotën e 22 golave në sezon dhe Perisiç, i cili ishte ndalur që nga dhjetori. Por në fakt është e gjithë skuadra që funksionon mjaft mirë dhe në mesfushë është e mrekullueshme falë zgjedhjeve të bëra nga Spaleti. Tani zona Champions është e arritshme.
URAGANI INTER- Trajneri toskan insiston me Brozoviçin përkrah Galjardinit dhe Rafinjën si trekuartist. Rreziku i këtyre zgjedhjeve lidhet me hapësirën që i lihet Ramirezit, por ky i fundit nuk bëhet kurrë i rrezikshëm dhe nuk i shërben Kualjarelën dhe Zapatën. Interi e nisi me këmbën e mbarë dhe në 1 minutë krijon 4 raste të mira për të shënuar. Fillimisht Rafinja, pastaj Perisiç me një goditje, më vonë Shkrinjar me kokë dhe në fund Kanselo. Vendimtar Perisiç, i cili lexon mirë krosimin e Kanselos dhe me kokë e dërgon topin në rrjetë duke "djegur" Vivianon në mes të rrugës, që po përgatitej të dilte. Kalojnë vetëm 3 minuta dhe Rafinja fiton një penallti. Viviano kishte pritur 4 radhazi deri tani, por Ikardin nuk e ndal dot. Goditje e lehtë e kapitenit, që shënon golin e 100- të në Serinë A. Sampdoria nuk reagon. Brozoviç konfirmohet edhe një herë në formë të mirë ashtu si me Napolin dhe bashkë me Galjardinin formojnë një digë dinamike dhe të pakalueshme. Edhe mesfushori italian duket i rilindur. Zikaltrit hidhen në sulm si uragan dhe shumë shpejt vjen goli i tretë. E shënon sërish Ikar-
di me finte. Rrezikun e vetëm në portën e Handanoviçit e shkakton Zapata, i cili në minutën e 41 godet shtyllën. Por kjo nuk ishte dita e tij. Ishte dita e Ikardit, i cili përfiton nga një goditje e Rafinjës me finte, e cila lihet në zonë nga Viviano. Kapiteni zikaltër nuk fal dhe shënon golin e katërt të ndeshjes dhe të tretin personal. Por nuk përfundon këtu. Përpara se t'i lërë vendin Ederit, ai
shënon golin e pestë me një të djathtë fluturimthi duke lënë në vend portierin e Sampdorias. Interi është në ditën kur arrin të bëjë gjithçka me një lehtësish të jashtëzakonshme. I vetmi që nuk buzëqesh plotësisht është Kandreva, që kishte mundësinë për të shënuar golin e parë personal këtë sezon. Pak rëndësi ka. Mesfushori duket i lumtur edhe me fitoren. "E dua Interin e çmendur", shkruan ai pas ndeshjes.