Çelsi vuan 120', Pedro shpëton Konten në kupë
Në gjysmëfinale kualifikohet edhe Sauthemptoni
uhen 120 minuta vuajtje, por në fund Çelsi fiton biletën në gjysmëfinalen e Kupës FA dhe shkon në "Wembley" për të luajtur trofeun e vetëm që i ka mbetur këtë sezon. Pas eliminimit nga Liga e Kampioneve prej Barcelonës, Antonio Konte ngushëllohet me fitoren e vuajtur 2- 1 në fushën e Leiçesterit. Blutë kaluan në avantazh falë Moratës, i shërbyer nga i zakonshmi Uillian 3 minuta nga fundi i pjesës së parë. Por në pjesën e dytë, një pritje e dobët e Kabajeros i lejoi Vardisë të barazonte shifrat nga pak metra dhe ta dërgonte ndeshjen në shtesë, atje ku do të vendoste një tjetër gabim i portierit, por këtë herë i Shmajkëllit, i cili nuk e llogariti mirë kohën e daljes dhe u lejoi londinezëve të shënonin edhe golin e kualifikimit me Pedron. Konte u mundua gjatë gjithë janarit të gjente një sulmues shtatlartë për luftën në ajër, por sezonin e tij e shpëtoi një goditje me kokë e një sulmuesi krahu, i cili edhe në majat e gishtërinjve mezi arrin 1.70 m. Arma e teknikut italian, i cili hyri nga stoli në kohën shtesë, gjeti krosimin e Kantesë në zonën e penalltisë, edhe pse ishte e rrethuar nga tre lojtarë të "dhelprave". Në të tria rastet që Çelsi është përballur me Leiçesterin në Kupën FA, ata i kanë eliminuar "dhelprat" dhe në fund kanë fituar trofeun (1997, 2000 dhe 2012).
SAUTHEMPTONI - Në ndeshjen tjetër çerekfinale, luajtur në mesditë, Sauthemptoni i jep fund ëndrrës së Uiganit, skuadrës që hëngri kokën e Mançester Sitit. "Shenjtorët" e mundën formacionin e kategorisë së tretë në transfertë 0- 2, duke shënuar në pjesën e dytë me Hojbjergun dhe Sedrik.