Turpi nuk ka fund, edhe Evangjeli Veli pozitive me doping
Evangjlelia pozitive ndaj “Kefodolit”, humb Europianin
Peshëngritja sh qiptare tronditet sërish në prag të Europianit që do të zhvillohet në Rumani, pas tri ditësh. Evangjeli Veli del pozitive në testet paraprake. Një tjetër situatë e paprecendente, ku skandali i radhës me substancat e ndaluara po turpëron dhe njollosë çdo ditë e më shumë peshëngritjen tonë. Rasti i dytë brenda dy muajve ka bërë që disiplina më e suksesshme e sportit shqiptar të prekë pikën më të ulët. Çfarë po ndodhë me shtangën, me të cilën krenoheshin të gjithë shqiptarët, është pyetja që prej muajsh shumë sportdashës po ngrenë. Dhe mbi të gjitha, pse askush nuk lëviz, madje nuk tenton ta bëjë për të shmangur që të fundosim peshëngritjen elitare?!
VELI, POZITIVE
Pas Romela Begajt, e cila ra peng e "stanozololit" (për të dytën herë), pasi u shpall kampione bote në shkëputje dhe nënkampione bote në dygarësh, në Shtetet e Bashkuara, së fundmi edhe peshëngritësja tjetër femër, Evangjeli Veli,
ka rënë pre e dopingut. Ajo ka dalë pozitive në testet paraprake, pas dy kontrolleve të ushtruara nga WADA, gjatë dy javëve të fundit në Durrës. Nga këto teste rezulton pozitive vetëm sportistja Veli, ndërsa 6 sportistët e tjerë që do marrin pjesë në Europian kanë
dalë fatmirësisht të pastër. “KEFODOL”- i
Veli ka rezultuar pozitiv ndaj "kefodol"-it, substancë që sportistja e ka marrë, pasi kishte kaluar një ftohje. Por, papërgjegjësia e saj dhe e stafit të saj ka bërë që të mos mësojë se ky ilaç ka qenë i ndalur. Kaq ka mjaftuar që Evangjeli Veli të përjashtohet menjëherë nga aktiviteti, por në të njëjtën kohë t'i hiqet edhe "Bursa Olimpike", që iu akordua pak ditë më parë dhe ndërkohë mund të nisë të punojë për mbrojtjen e saj. Fatkeqësisht, ky lajm ishte një tjetër shuplakë e rëndë për ne. Me sa duket, pas rastit Romela Begaj, e cila çoi në dorëheqjen e ish-presidentit Elez Gjoza, as ardhja në krye të federatës e Gudar Beqirajt nuk i ka përmirësuar gjërat. Fatkeqësisht, sporti më elitar shqiptar, për momentin ka ngritur sytë nga qielli...