Pakult: Nuk iki, jam mirë te Kukësi
“Pas një periudhe jo të suksesshme në Ballkan, kam arritur të bëj mirë me ekipin shqiptar”
itën e fundit është folur për një ofertë nga klubi austriak i Volfsbergerit për trajnerin aktual të Kukësit, Peter Pakult. Duke përfituar edhe nga ndalesa e kampionatit, për shkak të angazhimeve të ekipeve kombëtare, trajneri ka qenë në Austri pranë familjes, ku ka dhënë një intervistë për mediat austriake, të cilat më shumë përkujtuan fitoren e madhe 7-0 që Rapidi i Vjenës bëri kundër Salzburgut, pikërisht 10 vite më parë. Për titullin e fituar dhe suksesin e thellë, ish-trajneri që shpalli kampion vjenezët flet për këtë vit jubile. VITI JUBILE I TITULLIT
"E bukura e kësaj fitoreje ishte fakti se kur po ktheheshim për në shtëpi, askush nuk po fliste, pasi nuk e besonin çfarë kishte ndodhur. Të nesërmen shpërtheu euforia dhe filluam të besonim se kishim bërë një ndeshje perfekte. Ndeshje si ato ndodhin një herë në jetë. Shënuam 7 gola me 7 goditje ne portë dhe nuk di si mund ta shpjegoj këtë. Nëse Salzburgu do fitonte, shpallej kampion dhe një barazim i mundshëm do ta bënte kampionatin të bukur. Të gjithë e pamë si shkuan gjërat dhe të jesh duke fituar 0- 5 që në minutën e 30-të, dihet se po bëhet një punë e mirë. Ndeshje të tilla ndodhin çdo 40-50 vjet", u shpreh Pakult për mediat austriake. OFERTA NGA VOLFSBERGER
Pakult është pyetur edhe për zërat e merkatos, ku u fol se ai ka një ofertë nga Volfsberger për t'u kthyer sërish në Austri. Por Pakult e ka hedhur poshtë këtë gjë,
pasi ndihet mirë te Kukësi. "Mund të them se nëse do të kisha shkuar në Split gjatë 2015-ës, do të kisha një CV më të pasur, por zemra më thoshte të ndihmoja Floridsdorferin. Pas një periudhe jo shumë të suksesshme në Ballkan, më në fund kam arritur të bëj mirë me ekipin e Kukësit. Jam mirë aty", u shpreh Pakult.
NIS PUNA ME KUKËSIN
Tekniku aktual i Kukësit, pas pushimit dyditor pranë familjes së tij në Austri, është kthyer në Tiranë për të vijuar punën te verilindorët. Gjatë
paradites së djeshme, Pakult ka nxjerrë në stërvitje futbollistët. Pushimi kishte dhënë efekt, pasi lojtarët ishin më të qetë dhe në humor, detyrimisht këto kanë ardhur dhe si pasojë e fitores ndaj Vllaznisë. Trajneri është njohur edhe me të rejat në klub, kryesisht për interesimet
nga jashtë për sulmuesin Sindrit Guri. Pakult është ndierë i kënaqur dhe këtë e ka shprehur dhe në stërvitje para lojtarëve, duke vlerësuar punën e tyre, por edhe duke i udhëzuar për planet e ndeshjes së radhës me Flamurtarin.