Apolonia, “bast” dhe surpriza
Mesfushori Hysenshahaj: Luajmë fort ndaj çdo rivali, por nuk jemi nën presion
irana është kundër shtari i radhës për Apoloninë për llogari të grupit B të Kategorisë së Parë. Kryesuesja luan me një ndër skuadrat që ka fituar "dhunshëm" vlerësimin si nga të rrallat ekipe korrekte të garës, e gjitha falë asaj që fierakët kanë dhënë në fushën e lojës, me çdo ekip, në çdo rast, kur kanë pasur interes rezultati e kur nuk kanë dashur t'ia dinë. Por, dëshira dhe mundësia shpesh nuk janë koherente mes tyre, ndaj dhe bardhejeshilët "kafshojnë" gjuhën përpara një ndeshjeje të tillë. Me Tiranën, një barazim në fushën e tyre do të ishte një sukses i ndjeshëm, ca më tepër nga një skuadër
në kushtet e Apolonisë: me lojtarë të rinj e pa obligime në renditje. Po edhe sikur të kishin objektiva, fierakët e dinë që me Tiranën kanë "fat" humbësi, ndonëse futbolli shpesh është edhe alogjik. Fierakët nuk e vuajnë termin "supermaci e Tiranës" dhe luajnë qetë ndaj bardhebluve. Apolonia ka një mision: të tregojë vlerat reale të saj dhe të krijojë një profil të veçantë të futbollit shqiptar - skuadrës që luan përtej interesave të tjetërkujt dhe që i shërben veç performancës së vet. HYSENSHAHAJ
Është mesfushori Taulant Hysenshahaj, ai që bën analizë të ndeshjes ndaj Tiranës dhe shpërfaq gjendjen e skuadrës fierake. "Kemi pasur më shumë se kohën e mjaftueshme në dispozicion dhe kemi punuar me shumë përkujdesje për ta përgatitur siç duhet ndeshjen me Tiranën kryesuese. Është një takim shumë i vështirë, me një skuadër që ka një synim madhor, ngjitjen në Superiore. Apolonia, përkundrazi, është e çliruar nga objektivat BALLSHIOTËT taksative, por kjo nuk do të thotë që shkojmë për të humbur në Tiranë. Përkundrazi, kemi arsye të dëshmojmë se cilët jemi, e kemi mbi të gjitha sfidë me vetveten dhe Tirana është mundësia më e mirë dhe prova më bindëse. Jemi Apolonia, mos e harroni dhe do të luajmë fort dhe për pikë maksimale në çdo ndeshje e kundër kujtdo, si dhe ndaj Tiranës, pavarësisht faktorëve, gjykimit etj. Atë që ne premtojmë në çdo javë, është pikërisht loja e ndershme dhe korrekte", thotë për "Panorama Sport" mesfushori i Apolonisë, Taulant Hysenshahaj. Fierakët kanë barazuar me Tiranën në ndeshjen e luajtur në Fier disa javë më parë dhe shpresojnë të marrin sërish rezultat pozitiv.