Tuhel, gati firma me Arsenalin
Favoriti për pankinën e bavarezëve mund të nënshkruajë në ishull
Sipas mediave an gleze, Tomas Tuhel do të jetë trajneri i ri i Arsenalit në fund të sezonit. Gjermani do të zëvendësojë francezin Arsen Venger, i cili ka qenë pjesë e Arsenalit që nga viti 1996. Sipas së përditshmes "Kicker", në Gjermani Tomas Tuhel është pranë marrëveshjes me klubin e ri. Ai do të gjejë në Londër ishlojtarin e Dortmundit Obamejang që u transferua në merkaton e janarit te "topçijntë". Tuhel ishte gjithashtu një nga kandidatët kryesorë për të zëvendësuar trajnerin Jup Hejnkes në fund të sezonit. Vetë 72-vjeçari e kishe rekomanduar ish- trajnerin e Borusias te drejtuesit bavarezë, që kishin menduar seriozisht për të hyrë në bisedime me të. Por tani skenari duket se ka ndryshuar dhe Hënesi me Rumenigen duhet të mendojnë një tjetër emër në muajt në vazhdim. Kandidatët janë shkurtuar. Emrat e mbetur janë Nagelsman i Hofenhemit, Kovaç i Frankfurtit, Shtraish i Fraiburgut dhe Poketino i Totenhemit. Ky i fundit ka shumë pak gjasa të vijë në Mynih, pasi nuk ka shprehur asnjëherë dëshirën për t'u larguar nga Londra dhe drejtuesit e Bajernit nuk kanë kërkuar kurrë informacion të detajuar
për të. Një as nën mëngë mbetet dhe Joahim Lëv, por me të drejtuesit bavarezë duhet t'i bëjnë llogaritë pas kampionatit botëror. Por "Kicker" zbulon dhe një skenar pak më të komplikuar. Sipas tyre, Tuhel në
të vërtetë mund të përfundojë në Paris ( në rast se dështon marrëveshja me Arsenalin) për të zëvendësuar trajnerin Emeri, i cili, dhe pse ka fituar 2 herë kampionatin dhe ndodhet momentalisht në krye të
Ligë 1, nuk ka bindur presidentin e ekipit pas eliminimit nga Champions- i vjet ndaj Barcelonës, ku kishte një avantazh 4- 0 nga ndeshja e parë dhe më pas u përmbys në Barcelonë. Ndërkohë, këtë sezon u eliminua nga Reali i Madridit në të dyja takimet e luajtura kundër tyre. Për të mësuar vërtetësinë e kësaj lëvizjeje intriguese, duhet të presim javët e ardhshme kur mund të bëhet dhe prezantimi i mundshëm i Tuhelit tek Arsenali.