Shpërthen Raiola: Guardiola është një zero, frikacak, qen
Nuk është një mister që raportet mes Zlatan Ibrahimoviçit dhe Pep Guardiolës në kohën te Barcelona nuk ishin ideale. Mino Raiola rikthehet tek ato ditë dhe sulmon ish- trajnerin e Barcelonës, sot në stolin e Mançester Sitit, gjatë një interviste për revistën holandeze "Quote": "Pep Guardiola? Si trajner është fantastik, por si njeri është një zero. Është një frikacak, një qen, një prift klasik që thotë: ' Bëj si them unë, por mos bëj si bëj unë'. Nëse Mançester Siti fiton Champions- in këtë sezon, kjo do ta përforcojë faktin se ai është një trajner i mirë, por unë do ta urreja sikur kjo të ndodhte". Menaxheri i sulmuesit suedez kujton edhe njëherë përplasjen mes Ibrës dhe Guardiolës në "Camp Nou" në vitin 2011, çka solli largimin e sulmuesit nga katalanasit: "Guardiola i kishte thënë Zlatanit që të shkonte tek ai nëse do kishte probleme apo ankesa, por më pas thjesht e injoroi dhe nuk e aktivizonte. As nuk e përshëndeti kur e shitën". Sipas Raiolës, kjo nuk është një sjellje e re për trajnerin katalanas: "Bëri të njëjtën gjë edhe me Maksuellin ( një tjetër futbollist i skuadrës së agjentit), i cili është një djalë i adhurueshëm. Atëherë i thashë Zlatanit që të shkonte dhe ta parkonte Ferrarin e tij në vendin e trajnerit". Në fund, edhe një prapaskenë në finalen e Ligës së Kampioneve të vitit 2011, fituar nga Barcelona ndaj Mançester Junajtid kur Ibrahimoviç ishte transferuar tashmë te Milani: "Shkova për ta kërkuar atë mbrëmje në dhomat e zhveshjes së ' Wembley'- t. Vetëm Adriano Galiani më ndali për fat të Guardiolës".