Media “spiunon” Sampaolin, Mesi në fushë ndaj Spanjës
Jo vetëm titullar, mësohen edhe urdhrat për “pleshtin”
ë stadiumin "Etihad" kanë qenë të shumtë ata që e prisnin në fushë kundër Italisë, madje edhe vetë futbollistët e përfaqësueses "axurre" do e donin në aksion Lionel Mesin, siç konfirmuan shumë prej tyre në konferencat për shtyp. Por nëse sportdashësit anglezë (ndeshja e së premtes u luajt në stadiumin e Mançester Sitit), argjentinas e italianë nuk mundën ta shijonin "pleshtin" në miqësoren e 23 marsit, ylli i Barcelonës dhe kapiteni i Argjentinës nuk do të mungojë kundër Spanjës, në impiantin "Wanda Metropolitani" ( stadiumi i Atletikos së Madridit). Këtë fakt e kanë zbuluar fotografët e së përditshmes madrilene "As", të cilët kanë arritur që me aparatet e tyre të arrijnë të "spiunojnë" formacionin dhe skemat e programuara që trajneri Horge Sampaoli po studion në qendrën stërvitore të Realit të Madridit, "strofka" e argjentinasve për të përgatitur duelin me "Furitë e kuqe".
"SPIUNIMI"
Sipas asaj që ka mundur të zbulojë "As", Lionel Mesi do të jetë jo vetëm në fushë nga minuta e parë, por përveç pozicionit të tij në krahun e djathtë të sulmit, në një modul 3-4-3, përkrah të riut Lautaro Martinez (lojtari i ardhshëm i Interit) dhe Diego Perotit, emri i numrit 10 argjentinas spikat edhe në mesfushë, në një rreth, i cili specifikon edhe strategjinë që Sampaoli kërkon të përdorë, duke ia lënë regjinë e lojës 30vjeçarit, i cili ka detyra që të vijë ta marrë sferën shumë metra larg portës. Pa dyshim që një zbulim i tillë nga media spanjolle mund t'i vijë jo pak në ndihmë trajnerit të iberikasve, Hulen Lopetegui, ndonëse Sampaoli, nëse ka rënë dhe natyrisht që do ta kenë lajmëruar për këtë "spiunim" që i është bërë, mund të vendosë edhe të marrë masa. Pavarësisht të gjithave, e merr apo jo topin në mesfushë për të shpërndarë lojën, fakt është që Lionel Mesi dje është stërvitur me regjim të plotë dhe 67 mijë të pranishmit, që priten në stadiumin e Atletikos së Madridit, do ta shijojnë yllin e Barcelonës në aksion nga minuta e parë.
RISITË
Nëse Mesi mund të luajë si në sulm, ashtu sikurse në
mesfushë, surpriza e Sampaolit kundrejt ndeshjes me Italinë mund të jenë fanellat e titullarit për Lautaro Martinezin, yllin e Rasingut, që mund të drejtojë sulmin, duke "parkuar" në sulm Higuainin, ndërsa në korsinë e djathtë të mesfushës
mund të jetë Maksi Meza i skuadrës së Indipendientes. Për sa i përket pjesës tjetër, Banega ndryshe nga sfida me Italinë pritet ta nisë titullar, duke spostuar në stol Paredesin si dhe Roho nga minuta e parë në vend të Otamendit, në mbrojtje.