“Leo një kafshë, por i kemi vënë pistoletën e Botërorit në kokë”

Fati i Argjentinës nuk duhet të jetë i gjithi mbi shpatullat e Lionel Mesit, sepse përndryshe kjo nuk do t'i bënte ata një skuadër. Trajneri Horge Sampaoli ka luksin që të stërvitë, sipas tij, lojtarin më të fortë të historisë së futbollit, por në të njëjtën kohë, ai e di mirë se kjo ndonjëherë nuk është një diçka e lehtë për t'u menaxhuar, prandaj ai kërkon t'i lëshojë një paralajmërim të qartë futbollistëve të tjerë të përfaqësueses. "Kur përmend 'Lionel Mesi', personalisht ideja e parë që më vjen në mendje është ajo e një kafshe, një përbindëshi të këtij sporti dhe pa dyshim lojtarit më të fortë të historisë së futbollit. Fatkeqësisht, te ne argjentinasit është krijuar një ide e gabuar në lidhje me të. Shpeshherë, në vend që ta ndihmojmë, ta përkëdhelim, ka shokë skuadre, drejtues federate, apo qoftë edhe trajnerë e tifozë, të cilët duan që të heqin nga shpatullat e tyre peshën e të fituarit diçka të rëndësishme dhe duan që t'ia vënë atë Leos. Por jo... Në të vërtetë, ne duhet të bëjmë krejtësisht të kundërtën. Aktualisht, ne i kemi në kokë pistoletën që quhet 'Botërori i Rusisë', të cilin nëse ai nuk e fiton, atëherë të gjithë ata që e kanë shënjestruar do të vrapojmë që të shkrepin këmbëzën. Ky është një gabim i madh, sepse nëse shkojmë në Botëror, ne duhet të luajmë si një skuadër, një grup që ka fatin të ketë më të fortin e këtij sporti në kombëtare dhe duhet ta mbështesin, t'i lehtësojmë barrët që ka mbi shpatulla dhe, në këtë mënyrë, ai do të japë më të mirën dhe do të jetë më i lehtë dhe më i qetë për të na tërhequr te suksesi i mundshëm", tha Sampaoli. ka trajneri Horge Sampaoli që është përzgjedhur në krye të Kombëtares së Argjentinës. Ai nënshkroi një kontratë 5- vjeçare me federatën më 1 qershor të vitit 2017.