Panuçi: Kemi lojtarë me probleme

“Nëse do kisha inat Cikalleshin, nuk do ta grumbulloja fare. Na mungoi grinta”

ristian Panuçi nuk e bën dramë hum bjen në miqësoren me Norvegjinë, edhe pse jep disa arsye për lojën e dobët të kuqezinjve. Trajneri i Shqipërisë deklaroi në konferencën për shtyp pas ndeshjes se diferencën e bëri ana fizike. "Ata ishin më mirë se ne në këtë aspekt. Dy-tre lojtarë i kishim me probleme dhe ana fizike bëri diferencën me Norvegjinë", është shprehur fillimisht italiani i pankinës. Panuçi sqaroi se pse nuk aktivizoi sulmuesin Sokol Cikalleshi.

Mister, çfarë nuk funksionoi. Pse kaq dobët?

Luajtëm ngadalë dhe norvegjezët na bllokuan. Kishim disa lojtarë me probleme dhe kundërshtari ishte më mirë fizikisht. Doja që të luanim me dy sulmues në pjesën e dytë për të shtyrë më përpara skuadrën. Nuk doja të ndryshoja shumë gjëra sepse edhe Grezda ishte i vetmi që mund të kalonte kundërshtarin dhe të krijonte hapësira.

Këtë herë u duk sikur mungoi edhe dëshira te lojtarët...

E kam vënë re që mungonte disi grinta, por lojtarë si Ajeti, Mavraj dhe Sadiku, kishin pak minuta në këmbë në klube dhe kjo ndikoi jo pak.

Pse nuk u aktivizua Cikalleshi?

Nëse do të kisha inat me Cikalleshin, nuk do ta grumbulloja fare. Cikalleshi do të ketë mundësi në të ardhmen, nuk kam asnjë problem me të. Thjesht mendova në atë moment se duhet të luante Balaj.

Pse Balaj dhe jo ai? Sepse Cikalleshi ka më shumë tendenca për të dalë nga zona. Dhe meqenëse luante dhe një fantazist në fushë, kisha nevojë për një sulmues më të pastër si Balaj.

Ishte kjo ndeshja më e dobët nën drejtimin tuaj?

Edhe në Maqedoni nuk luajtëm mirë, por morëm rezultat. Ndaj Norvegjisë nuk funksionuam, por edhe shiu bëri të vetën.

Provuat një skemë me tre mesfushorë, por nuk funksionoi. Pse?

Me tre mesfushorë kemi luajtur gjithnjë, por sot (dje) nuk ka funksionuar, për shkak se jemi të ndrojtur dhe nuk kemi kondicionin e duhur fizik te ndonjë lojtar. Por, me tre lojtarë kemi luajtur gjithnjë. Situatat i krijuam, por mungon ana fizike e skuadrës.

A është normale që kapiteni të zëvendësohet që në përfundim të pjesës së parë?

Përse, nuk mund të zëvendësohet?!

Përse nuk luajti Abazaj që ka kondicionin e duhur fizik...

Në vend të kujt duhet të luante Abazaj?

Ndoshta të zëvendësohej me Qakën...?

Abazaj luan në krah dhe nuk luajnë në të njëjtin rol.

Nga miqësorja me Turqinë, çfarë ka përmirësuar Kombëtarja deri më tani?

Pak. Mund të përmendim lojtarët e rinj që kanë luajtur dhe kanë marrë eksperiencë. E përsëris që jemi pa kondicionin e duhur fizik, ku Ajeti, Mavraj dhe Sadiku luajnë pak. Kishim gjithashtu pak mbrojtës për t'i thërritur në ekip.