Bajerni paguan për Hysajn
Surprizohen ekipet angleze, më parë shkodrani dhe Napoli refuzuan Juven
lseid Hysaj nuk e fshehu krenarinë dhe lumturinë që një emër i madh si Bajerni i Mynihut kishte shfaqur interes për të. Diçka do të ketë ditur mbrojtësi i Kombëtares shqiptare që gjatë këtyre ditëve ka qenë në grumbullim. Ndërsa ai ka qenë i përqendruar në impenjimin me fanellën kuqezi, menaxheri i tij ka pasur kontakte të vazhdueshme me drejtuesit për të vendosur fatin për të ardhmen e lojtarit. Pas tij ka pasur skuadra të ndryshme që janë gati të paguajnë klauzolën, e cila është 50 milionë euro. Junajtid, Arsenal, Çelsi, por edhe Juventus. Në fakt, asnjë prej tyre nuk do të jetë ekipi i ardhshëm i mbrojtësit shkodran. "Tuttosport" zbulon se skuadra që e ka seriozisht transferimin e tij dhe ka bërë gati 50 milionë euro për presidentin Aurelio De Laurentis është Bajerni i Mynihut. Menaxheri Xhufredi ka njoftuar presidentin se gjermanët janë gati të paguajnë.
REKORDI - Sigurisht që një skuadër e niveleve të tilla nuk mund të refuzohet dhe menaxheri i Hysajt bashkë me lojtarin e kanë parë si një mundësi të artë transferimin te Bajerni. Jo se ekipet e tjera që e kanë dashur kanë qenë të mëdha, por sepse Bajerni është ekip i konsoliduar dhe Hysaj do të gjente një ambient të qetë për t'u rritur akoma
më shumë. Por nëse kjo që "Tuttosport" shkruan në lidhje me transferimin e tij në Bundesligë është e vërtetë, atëherë shkodrani do të bëhej lojtari më i shtrenjtë i transferuar ndonjëherë në Gjermani. Ekipet e këtij kampionati shpenzojnë shumë pak dhe blerja më e shtrenjtë deri tani ka qenë mesfushori Toliso, për 41.5 milionë
euro. Klauzola e Hysajt është 50 dhe ai do të hynte direkt në histori.
REFUZOHET JUVJA - Kurrë pakt me "armikun". Kjo është strategjia që kanë ndjekur drejtuesit e Napolit, por edhe vetë lojtari shqiptar, për të cilin ka pasur një interesim të fortë edhe nga Juventusi. Por duke qenë se ekipi torinez është rivali i Napolit në
garën për titullin kampion në Itali, këta të fundit e kanë konsideruar si një thumb nga ana e bardhezinjve. "Zonja" ishte e gatshme për ta paguar klauzolën e futbollistit 24-vjeçar, por në fakt bisedimet mes palëve nuk kanë nisur kurrë sepse Napoli i ka bërë "bllokadë" dhe Hysaj gjithashtu.
ZHGËNJEHEN ANGLEZËT-
Pas Hysajt kanë qenë edhe shumë skuadra të mëdha në Angli, të cilat ishin të gatshme të paguanin 50 milionë euro për shqiptarin. Lojtari që konsiderohet si një nga pikat më të forta të skuadrës së Sarrit i ka surprizuar të gjithë me paraqitjet në dy sezonet e fundit dhe ka tërhequr vëmendjen e Murinjos, Kontes, por edhe Vengerit. Këta të fundit janë befasuar nga lajmi për transferimin e lojtarit te Bajerni dhe mediat angleze i kanë kushtuar një rëndësi t veçantë. Megjithatë, drejtuesit e Arsenalit po këmbëngulin deri në momentin e fundit për t'u futur në tratativë dhe për të bindur qoftë lojtarin ose Napolin. Nëse klauzola është 50 milionë euro, atëherë diferencën do ta bëjë vetëm paga që i ofrohet mbrojtësit shqiptar. Por përpara se të bëhet transferimi, Hysaj do të luftojë për ëndrrën e madhe që të fitojë titullin kampion me Napolin.
NDESHJET
12.06.2017 Shqipëri-Estoni
31.08.2017 Irlandë e V.-Shqipëri
04.09.2017 Islandë-Shqipëri
10.10.2017 Shqipëri-Islandë
10.11.2017 Shqipëri-Irlandë e V.
23.03.2018 Shqipëri-Sllovaki
27.03.2018 Sllovaki-Shqipëri
06.09.2018 Spanjë-Shqipëri
11.10.2018
1-0
1-1
2-3
12:00
12:00