Ja gjashtë ngjarjet që turbullojnë Tiranën
Nga Memelli te Ngoo dhe gjendja e rënduar e fushës
htyrja e ndeshjes me Apoloninë për në mesjavë u duk si një mundësi e mirë për Tiranën që të arrinte të rikuperonte lojtarët e dëmtuar, por edhe terrenin, i cili ka pasur një gjendje të rënduar, para një ndeshjeje delikate si ajo ndaj Apolonisë. Por, klubi bardheblu nuk ka kaluar një gjendje aspak të qetë, duke parë ngjarjet që kanë ndodhur dhe që mund të ndikojnë në paraqitjen e futbollistëve në ndeshjen e nesërme. SHERRI TE MOSHAT
Trajneri i ekipit të 17vjeçarëve, Migen Memelli, ka pasur një përplasje fillimisht me kapitenin e skuadrës dhe më pas me babain e tij, e cila ka qenë edhe fizike. Klubi ka mbajtur qëndrim në lidhje me këtë çështje, ndërsa trajneri ka vënë në pozitë drejtuesit, duke kërkuar largimin e futbollistit nga skuadra e tij në të kundërt, ai do të lërë pozicionin që ka. Pritet një mbledhje që të merret edhe vendimi. GJYQI I NGOOSË
Një tjetër ngjarje që do të turbullonte jo pak ambientin bardheblu ishte një gjyq i sulmuesit
Majkëll Ngoo në Angli. Futbollisti ndodhej prej disa ditësh atje dhe nuk dihej arsyeja e vërtetë, por një shkrim i botuar nga mediat angleze tha se futbollisti kishte një proces gjyqësor të hapur për shitjen e një lloji tullumbaceje me një gaz, i cili
CËRRIKASIT
të sillte në qejf gjatë një festivali. Autori i 11 golave me bardheblutë u dënua me gjobë dhe do të jetë në fushë në ndeshjen me fierakët. PRESIONI I BYLISIT
Katër pikë larg nuk janë shumë dhe Bylisi, rivali kryesor i Tiranës në grupin B, në
garën për ngjitje në Superiore nuk është dorëzuar. Kjo ka bërë që bardheblutë të futen pak në presion dhe të kërkojnë me çdo kusht që të marrin fitore në ndeshjet e radhës, pa harruar se do të kenë edhe dy ndeshjet direkte me ballshiotët dhe
BESIMI
deri atëherë diferenca duhet ruajtur e paprekur. TERRENI I RËNDUAR
Për shkak të ndeshjeve të fundit që janë luajtur aty, terreni i stadiumit "Selman Stërmasi" është në gjendje të rënduar. Shirat që kanë rënë në kryeqytet gjatë ditës së djeshme, nuk japin shpresë për përmirësim. Një gjë e tillë ka shqetësuar trajnerin Ze Maria, pasi skuadra e tij luan futboll me shumë pasime dhe në një në terren të tillë është e pamundur për një gjë të tillë. Nuk duhet harruar se për terrenin është ankuar edhe përfaqësuesja e Norvegjisë që kreu aty një seancë stërvitore. FRIKA NGA APOLONIA
Fierakët nuk luftojnë për garën në Superiore, megjithatë kanë në përbërje lojtarë cilësorë që duan të shfaqin
vlerat e tyre. Një gjë të tillë ata e kanë treguar në ndeshjen e fazës së dytë ndaj Tiranës, që u luajt në stadiumin "Loni Papuçiu", ku i morën bardhebluve një barazim. Kjo ka bërë që te Tirana të mobilizohen dhe të mos lejojnë përsëritjen e të njëjtës situatë, pasi kjo do t'i jepte mundësinë Bylisit që t'i afrohej në tabelën e klasifikimit. DËMTIMI I LIKËS
Portieri Ilion Lika është një nga pikat e forta të Tiranës në formacion, por dëmtimi i tij ka shqetësuar jo pak stafin teknik. Lojtari ka bërë stërvitje të diferencuar ditët e fundit dhe gjendja e tij është drejt përmirësimit, por mbetet ende në dyshim nëse do të aktivizohet ndaj Apolonisë. Për një gjë të tillë do të vendoset vetëm ditën e takimit.