Një ligj i ri për sponsorizimet në sport, ja detajet
Fidel Ylli: Kryeministri e ka premtuar, ja kur bëhet
Prej kohësh është kthyer në domos doshmëri bërja e një ligji të ri për sponsorizimet në sport. Grupet e interesit kërkojnë ndryshimin e ligjit të vjetër që praktikisht është inekzistent dhe i papërdorshëm. Në emisionin e së dielës, "Fair Play", të Enkeleida Zekos në "News 24" u diskutua pikërisht në lidhje me Ligjin e Sponsorizimeve në sport. Ndër të tjera, deputeti i PS-së, Fidel Ylli, zbuloi se i është kërkuar kryeministrit Edi Rama hartimi i nja pakete fiskale për sportin që do të zgjidhte përfundimisht edhe Ligjin e Sponsorizimeve. Aktualisht, ata që sponsorizojnë në sport, ajo shumë u njihet si shpenzim i zbritshëm në masën 0.5% të fitimit para tatimit. Ndërsa, Kosova që miratoi së fundmi Ligjin e ri të Sponsorizimeve, parashikohet 30% përfitim për sponsorizuesit, ndërsa Maqedonia e ka 40%, Kroacia 50% apo Hungaria 100%. YLLI
Gjatë debatit të së dielës, Ylli ndër të tjera deklaroi: "Ligji i sponsorizimit është një ligj i veçantë. Ne kemi kërkuar te kryeministri që të bëjmë një tavolinë të rrumbullakët dhe këto ligje që janë t'i rregullojmë në një paketë fiskale. Dhe këtë e kanë kërkuar të gjitha federatat që erdhën në komision, nga ajo e futbollit, e basketbollit, volejbollit e kështu me radhë. Përpara disa ditësh, në Xhafzotaj që i takon Bashkisë së Shijakut, u inaguarua një palestër ku një biznesmen që është president i një ekipi basketbolli, Goga Basket, e ka ndërtuar vetë atë pallat
sporti. Dhe kryeministri Edi Rama erdhi në inagurim dhe premtoi se do mblidhemi shumë shpejt për ligjin e sponsorizimeve. Të gjithë politikanët duan të vijnë nëpër stadiume, po puna është se çfarë japin ata për sportin. Kosova e ka aktualisht Ligjin e Sponsorizimit në 30%. Ndërsa, po të shohësh Ligjin e Sponsorizimeve që është këtu në Shqipëri, është 0.5% përpara
tatimit, diçka qesharake. Madje, vinin biznesmenë, jepnin para dhe thoshin që nuk dua të na dalë emri, pasi nuk kishin asnjë lloj fitimi". Më tej, deputeti i PS-së dhe një prej hartuesve të Ligjit të ri të sportit të miratuar një vit më parë, tregoi edhe një skandal: "Në Ministrinë e Arsimit, Rinisë dhe Sportit, është shkrirë Drejtoria e Sportit. Kjo është çmenduri, nuk funksion. Nëse do
të shkosh në ministri dhe t'i kërkosh diçka, nuk dinë të të thonë se çfarë ndodh. Sporti duhet të ishte i veçantë dhe të kishte një buxhet të vetin".
SHYTI
Ndërsa, Artan Gjyti si Prorektor i Universitetit "Marin Barleti" tha: "Aktualisht, sporti merr nga shteti 40% të asaj që merrte në 2005-ën. Për sa u përket financimeve, kjo është një pikë shumë e dobët
e jona. Ne jemi shumë më keq se Kosova. Madje, aty u miratua Ligji për Sponsorizimet që për Kosovën është një ligj i jashtëzakonshëm. Parashikon që të shtojë 25 milionë euro në vit në sport, një shifër shumë e kënaqshme, ndërsa ne sot mezi ndajmë 900 mijë euro për federatat. Për sa u përket basteve, aty duhet të kemi një politikë radikale. Bastet i japin Ministrisë së Financave rreth 12 milionë
euro në vit në formën e tatimeve. Për mendimin tim, 50% e kësaj shume, 6 milionë euro, duhet t'i kalojnë sportit. Ne si Universiteti "Marin Barleti" kemi gati një opsion për një Ligj të ri të Sponsorizimeve apo një opsion për reformimin në nivel lokal të sportit. Po bëhet gati një vit që klubet shumësportëshe nuk janë kthyer ende në statusin siç e kërkon Ligji i Sportit", deklaroi Shyti.