Nis Europiani i shtangës, kreu i KOKSH: Të gjithë të dopuar
Viron Bezhani: Sportistët po përdorin doping
eshëngritja hap si parin e aktiviteteve për vitin 2018. Por, përsëri ky sport është goditur rëndë. Nga 7 pjesëtarë të delegacionit shqiptar, kanë udhëtuar drejt Rumanisë vetëm 6 prej tyre sepse dy ditë përpara nisjes, doli pozitive Evangjeli Veli gjatë kontrolleve paraprake të ushtruara nga ËADA, pas kërkesës nga ana e Ministrisë së Sporteve. Dhe kjo nuk u lejua të merrte pjesë. Por, edhe pse konsiderohen si pasuri kombëtare, ata nuk po gjejnë mbështetje. Çfarë mbështetje u jep shteti shqiptar këtyre sportistëve elitarë? Faktet tregojnë se kur ke sportistë elitarë, që kanë nga pas sponsor të fuqishëm, që të ofrojnë kushte të punosh mirë, detyrimisht edhe shpërblehesh, madje siguron edhe jetën, por njëkohësisht rritet edhe përgjegjësia. Përdorimi i dopingut te këta sportistë ka gangrenizuar të gjithë këtë disiplinë që po shkatërron sportin më rezultativ në Shqipëri. Vetëm një ditë përpara nisjes së Europianit, është presidenti i KOKSH, Viron Bezhani që lëshon akuza të forta ndaj peshëngritësve. Gjatë emisionit "Fair Play" të Enkeleida Zekos në "Neës 24", Bezhani tha: "Jam një mijë për qind i bindur që të gjithë shtangistët përdorin doping. Kjo rrjedh nga presioni psikologjik i vetë kësaj federate, duke nisur që nga drejtuesit e saj deri te
vetë sportistët. Nuk është varfëria faktor kryesor në përdorimin e këtyre substancave të ndaluara, por është vetë psikoza e krijuar nga këta që rezultatet nuk i marrim ndryshe, po nuk e përdorëm dopingun. Këtë koncept të gabuar e kanë ngulitur në kokë".
8 SHQIPTARË PJESËMARRËS
Pasditen e djeshme janë sistemuar në kryeqytetin rumun ku ka çelur siparin Kampionati i 97-të Europian i Peshëngritjes, ku Shqipëria do të përfaqësohet me 6 sportistë elitarë, ndërkohë që do të jenë në këtë eveniment kontinental edhe dy shqiptarë nga anëtarja më e re e EËF ( Federata Europiane e Peshëngritjes), nga shteti i Kosovës, duke e çuar në 8 numrin e shqiptarëve pjesëmarrës. Siç kemi bërë me dije edhe më sipër, peshëngritësja e vetme femër shqiptare, që do të konkurronte në peshën 58 kilogramë, Evangjeli Veli, është përjashtuar pa nisur kampionati, duke u gjendur e dopuar me substancën "Kefodol" e cila figuronte në listën e ilaçeve të ndaluara, që sportistët nuk duhet t'i përdorin. 8 sportistët shqiptarë që do të konkurrojnë në peshat e ndryshme të këtij eventi, janë: Leonora Brajshori ( pesha 53 kilogramë, Kosova), Romario Avdiraj ( pesha 62 kilogramë), Briken Calja dhe Arbër Çerçizi (pesha 69 kilogramë), Daniel Godelli dhe Erkand Qerimaj si dhe kosovari Arbnor Krasniqi (pesha 77 kilogramë) dhe Krenar Shorja (pesha 85 kilogramë). KONKURRIMI PËR SPORTISTËT SHQIPTARË
Për sportistët tanë, konkurrimet do të nisin sot në orën 15:00, kur Romario Avdiraj do të konkurrojë në peshën e 62 kilogramëve së bashku me 7 peshëngritësit që konkurrojnë në këtë peshë: Jonut Ilie (Rumani), Stilian Grozhdev (Bullgari), Vladimir Urumov (Bullgari), Shota Mishvelidze (Gjeorgji),
Ramini Shamilishvili (Gjeorgji), Robert Stefan Manea ( Rumani), Jevi Bar ( Islandë). Ndërkohë, që nesër konkurrojnë në peshën 69 kilogramë dy shtangistët tanë, Briken Calja dhe Arbër Çerçizi, të cilët do të sfidojnë 13 shtangistët e tjerë të kësaj peshe: Bernardin Matam ( Franca), Paul Dumitresku ( Rumani), Robert Joakim ( Germani), Dian Minçev (Bullgari), Mirko Xani (Itali), Petër Petrov ( Çeki), David Sançez (Spanjë), Piotër Panjexhjaljek (POL), Konstandin Karp (Rumani), Matias Strym ( Danimarkë), Goga Shkahidze ( Gjeorgji), Damian Vishnievski (Poloni), Akorjan
Hernjandez ( Spanjë). Ditën e enjte është rezervuar gara e Krenar Shoraj për peshën deri në 85 kilogramë, ku do të jetë një sfidë mes 16 konkurrentëve: Krzistof Zvariç (Poloni), Amar Musiç ( Kroaci), Revaz Davitadze (Gjeorgji), Romejn Imadyshen (Franca), Tom Shvarsbak (Gjermani), Brendon Vyterd (Franca), Kasper Kljos (Poloni), Karol Samko (Sllovaki), Irmantas Kaçinskas ( Lituani), Ensar Musiç ( Kroaci), Riçard Tkac (Sllovaki), Alberto Fernandez (Spanjë), Xhes Nykianen (Finlandë), Roxher Myrholt ( Norvegji), Tobias Knudsen (Danimarkë), Sejtëll Bërd (Irlandë).