Shpresat për turp, leksione futbolli nga Kosova
Muqiri dhe Paqarada vulosin triumfin me Burkina Fason
Tri ndeshjet e fundit, tri fitore. Kosova është në rrugën e mbarë të konsolidimit të grupit dhe të nisjes së një kapitulli të ri në historinë e përfaqësueses. Ditën e djeshme, ekipi i drejtuar nga Shalond arriti fitore 2- 0 në miqësore ndaj Burkina Fasos, të dytën në pak ditë. Pak ditë më parë, ekipi përfaqësues kosovar fitoi edhe ndaj Madagaskarit. Një rezultat historik për këtë ekip dhe mbi të gjitha për trajnerin Shalond. Më parë, Kosova nuk kishte arritur kurrë 3 fitore radhazi (2 prej të cilave me
njërin trajner, i cili ka marrë përgjigje pozitive nga lojtarët që ka aktivizuar dhe ka analizuar se cilët do të bëjnë pjesë në ekipin e së ardhmes. Ndeshja që u zhvillua në Paris u fitua nga ekipi shqiptar falë golave të Muriqit dhe Paqaradës në pjesën e dytë.
NDESHJA- Shalond kishte konfirmuar disa nga lojtarët që luajtën në miqësoren me Madagaskarin, ndërsa kishte hedhur në fushë edhe të tjerë për t'u dhënë mundësinë të gjithëve për të treguar vlerat e tyre. Talenti Zhegrova ishte sërish titullar (lojtari u bë protagonist edhe jashtë fushës së lojës pasi fillimisht zgjodhi të luante me Shqipërinë dhe në fund pranoi Kosovën), ndërsa në majën e sulmit luante Muriqi. Pjesa e parë përfundoi me rrjeta të paprekura dhe me raste për të dyja skuadrat. Ndeshja u zhbllokua në minutën e 74-t nga sulmuesi Muriqi. Burkina Faso mbeti me dhjetë lojtarë pasi u ndëshkua me karton të kuq. Ekipi i Shalond nuk hoqi dorë nga sulmet e njëpasnjëshme, të cilat morën frytet në minutat e fundit.
Paqarada shënoi golin e dytë duke i dhënë fitoren e tretë radhazi Kosovës. Këto janë ndeshje të mira për Kosovën para se të fillojë ndeshjet zyrtare në Ligën e Kombeve ku gjendet në të njëjtën ligë me Azerbajxhanin, Ishujt Faroe dhe Maltën.