ukësi pren t n jtarë në ra i , uajin tjetër vjen një vje ar
es s ori an Patrik eis i as ko et ekipit në prill
Kampionati është në kulmin e tij, por për drejtuesit e Kukësit duket se ai po shkon drejt fundit. Verilindorët po mendojnë për merkaton që tani, objektivi i tyre është forcimi i ekipit. Trajneri Pakult duhet të ketë në dispozicion një superskuadër para se të nisë konkurrimi i Kukësit në Kupat e Europës. Për këtë arsye, drejtuesit me miratimin e presidentit Gjici kanë filluar të marrin masa që merkatoja t'i gjejë me alternativat gati. Emri i parë që drejtuesit e merkatos kanë arritur marrëveshjen, është një mesfushor brazilian cilësor. Bëhet fjalë për Zhan Patrik Reis, i cili është i regjistruar për llogari të klubit të Fortelaza në Brazil, por më parë ka bërë disa sezone mjaft të mira te Luverdense, Porte Preta, Novorizontino. Mesfushori është shtatshkurtër, por mjaft i shpejtë dhe driblues, gjë që iu ka pëlqyer drejtuesve të stafit teknik. Gazeta mëson se mesfushori është pëlqyer paraprakisht edhe nga trajneri austriak, Peter Pakult. Palët kanë arritur marrëveshjen në parim dhe në fillim të prillit, lojtari do t'i bashkohet ekipit kuksian në Tiranë. Patrik ka një moshë relativisht të re, 25 vjeç dhe shpresohet të bindë në fushë edhe stafin.
LOJTARËT NË PROVË - Sakaq, verilindorët kanë afruar për provë dhe dy futbollistë të rinj. Rilind Kastrati prej disa ditësh ka nisur përgatitjet me Kukësin, por së fundmi është afruar në ekip edhe mbrojtësi nigerian, Çukuebuka Opara. 22- vjeçari nga Nigeria i është bashkuar dje skuadrës së Kukësit në stërvitje dhe mësohet se do t'i nënshtrohet një prove disaditore. Opara vjen nga skuadra e El Kanemi Uarriors në kampionatin nigerian.
Opara luan në rolin e mbrojtësit dhe do të provojë të bindë trajnerin Pakult për ta mbajtur në skuadër, si dhe për të firmosur një kontratë me të. Nuk ka asnjë informacion tjetër për këtë lojtar, në lidhje me ndeshjet e luajtura, por dihet vetëm ku ka luajtur, si dhe i është vetofruar Kukësit. Skerdilaid Sulozeqi