Hg!njen A"#iraj$ n%& rea'i(on #)gar!*hin

/ Peshëngritësi ku A ezi jep vetëm një rezultat

Nuk ka shkuar mirë dita për peshëngritësin tonë, Romario Avdiraj, që hapi dhe siparin e garave për shtangistët shqiptarë. Pikërisht në Bukuresht, aty ku dje ka nisur konkurrimin e saj edhe Shqipëria. Paraqitja e shtangistit kuqezi ka lënë shumë për të dëshiruar, teksa ka garuar vetëm në stilin e shkëputjes, ndërsa në atë të shtytjes është tërhequr. Mbasditen e djeshme, në pedanë është ngjitur shtangisti i peshës 62 kilogramë, Avdiraj. Në stilin e shkëputjes, Avdiraj dha vetëm një rezultat, duke ngritur me sukses 110 kilogramë gjatë provës së parë, ndërsa në dy provat e tjera përpjekjet e tij dështuan për të ngritur 115 kilogramë, duke u renditur i teti në këtë stil ose në vendin e fundit. Në stilin e shtytjes, Avdiraj nuk konkurroi fare, duke mos dhënë kështu një rezultat për dygarëshin. Kështu në peshën 62 kilogramë, kampion u shpall gjeorgjiani Shota Mishvelidze që arriti të ngrinte në stilin e 134 kilogramë dhe në shtytje 165 duke triumfuar në dygarësh me 299 kilogramë. Në vendin e dytë u radhit gjeorgjiani tjetër, Stilian Grozdev, me 293 kilogramë në dygarësh. Tashmë, shpresat për ndonjë medalje kanë mbetur në ditën e sotme, kur për Shqipërinë do të konkurrojnë peshëngritësit Briken Calja dhe Arbër Çerçizi, që të dy në peshën 69 kilogramë, ndërkohë që në ditët në vijim në pedanë do të ngjiten edhe dy shtangistët që patjetër do të na dhurojnë medalje, Daniel Godelli e Erkand Qerimaj në peshën 77 kilogramë (ditën e enjte) dhe Krenar Shoraj në peshën 85 kilogramë (ditën e premte). Pavarësisht nga mossuksesi i Avdiajt, Shqipëria pretendon të marrë medalje edhe me disa nga shtangistët e saj në këtë Europian. Nuk kanë vonuar as deklaratat e peshëngritësit Daniel Godelli, që para se të udhëtonte drejt Rumanisë, ka theksuar se nuk do të dalë pa medalje në këtë Europian, madje atij i ka mbetur peng një titull botëror, që për të do të luftojë shumë. Kjo për arsyen që nuk mori pjesë në botërorin e fundit që u zhvillua në SHBA për shkak të refuzimit të vizës. Rezultate të mira priten edhe nga shtangisti shkodran Erkand Qerimaj, i cili ishte i treti në Botërorin e SHBA-së, duke sjellë në Shqipëri medaljen e bronztë.