Tirana si tank, “shuplakë” Apolonisë për Superioren
Ze Maria, sinjale Halilit për rinovimin: Ja kush e vendos
Tirana hedh një hap të madh drejt Superi ores. Një fitore ndaj Apolonisë i jep qetësinë e nevojshme, ndërsa tani e sheh veten +7 nga Bylisi. Nuk pritej kaq e lehtë, por e kundërta ngjau. Edhe pse përballë kishin një ekip që ka dëshmuar forcë për javë të tëra dhe mbi të gjitha luanin pa Likën, Sentamunë dhe Ngoonë, kryeqytetasit bënë detyrën. Dhe nuk ishte një fitore çfarëdo, por me 5 "yje". Abibi mbuloi më së miri portën, ndërsa Greca me Muçin dhanë siguri në sulm. Më shumë se kaq, as vetë Ze Maria nuk priste. Për të "vulosur" suksesin e 17-të sezonal mendoi Karabeci.
PJESA E PARË - Tirana shfaqet e vendosur mirë në fushë dhe krijon rrezik që në start me Kërçikun, që has rezistencën e traut. E megjithatë nuk kalojnë shumë minuta dhe bardheblutë gjejnë avantazhin me anë të Grecës, që nuk i mbeti shumë për të bërë në të 6-ën pas atij veprimi dhe shërbimi perfekt të Asion Dajës. Presingu i vendësve shtohet dhe Hoxhallari mund të ofronte siguri në të 16-ën nëse manovra e tij, gati perfekte në zonë, nuk do të zhbëhej nga ajo gjuajtje pa kurrfarë shënjestre. Megjithatë, mendon sërish Daja që të bëjë njeriun- asist. Në të 23- ën, mesfushori bën një veprim plot finesë dhe kthen topin te 17-vjeçari që ndodhej i pambuluar te pika e bardhë e penalltisë. Sulmuesi tregohet i ftohtë dhe me të djathtën çon shifrat në 2-0. Apolonia zgjohet dhe shikon më shpesh nga porta e mbrojtur nga Alsio Abibi, i cili "bllokon" Dimon në të 24-ën. E njëjta gjë u përsërit edhe në të 45-ën, kur një kombinim mes Sotës dhe Dimos i jep shansin kapitenit që të ngushtojë shifrat, por ndërhyrja e portierit nderon bardheblutë në fundin e pjesës së parë.
PJESA E DYTË - Loja rinis me gol për Tiranën. Në të 48ën, Greca i jep një top perfekt Muçit, i cili e shtyn topin me të djathtën dhe çon shifrat në 30. Kjo ishte dita e të riut, i cili dëshmoi se e njeh mirë portën kundërshtare. Edhe Halili kishte shansin e artë që të shënonte, por Broshka i mohoi golin në të 62-ën. Minutat pasuese janë të qeta, e megjithatë në të 72- ën Tirana rimerr "frenat" e lojës. Bishaj kombinohet me Grecën, por Çako tregohet më i shpejtë dhe i heq shansin sulmuesit bardheblutë që të shënojë. Kur afrohet çerekorëshi i fundit i krejt ndeshjes, ka vend edhe për 3 gola. Në të 78-ën, një vendosje e gabuar e mbrojtjes mike dhe, mbi të gjitha, dalja e portierit i japin mundësinë Karabecit që, me një gjuajtje në dukje pa shumë pretendime, të siglojë "pokerin". Kundërpërgjigjet Dimo nga ana tjetër me një predhë në kufijtë e zonës, por ky gol ishte vetëm për nder. Bardheblutë nuk dinë të ndalen dhe në të parën minutë shtesë nga 3 që u dhanë, i japin "shuplakën" Apolonisë. Çelhaka harkoi një top për Grecën, i cili manovron bukur mes dy mbrojtësve miq dhe me një parabël kalon portierin Çako. Edhe pse Sota mundohet që ta largojë, vetëm sa e "zhyt" topin në rrjetë dhe vulos shifrat në 5-1.