Trajneri, Klop i ofrohet Bajernit për stolin
Kandidati kryesor për momentin është Hasenhytel i Lajpcigut
Në shtëpinë e Bajer nit flitet vetëm për çështjen e trajnerit. Jup Hejnkes ka deklaruar me kohë largimin e tij nga klubi në fund të sezonit. Me gjithë përpjekjet e drejtuesve për ta bindur 72-vjeçarin të qëndrojë të paktën dhe për një sezon në Mynih, ai ka dhënë jo-në përfundimtare. Javën e kaluar, "Kicker" zbuloi marrëveshjen e Tuhelit me klubin e Arsenalit, dhe pse asgjë zyrtare. Ish-trajneri i Dortmundit duket se do të marrë drejtimin e "Topçinjve" që duket se do të ndahen nga trajneri i tyre, Arsen Venger. Francezi që ka nga viti 1996 drejtimin e klubit londinez duket se do të divorcohet nga ata. Rezultatet e dobëta dhe mungesa e trofeve i kanë ardhur në majë të hundës tifozëve dhe drejtuesve anglezë. Ndërkohë, në Mynih janë vënë në lëvizje për të gjetur një zëvendësues të Hejnkesit. "Bildsport" ka zbuluar një prapaskenë interesante, ku shkruan se ishin disa nga lojtarët më të rëndësishëm të Bajernit, ata që nuk kanë dashur ardhjen e Tomas Tuhelit në krye të pankinës bavareze. Arsyeja mbetet e paqartë, por me sa duket Mylerit dhe Levandovskit me shokë nuk kanë preferuar që ai të vijojë në Mynih. Kjo shpjegon dhe vonesën e qëllimshme të negociatave të Hënesin me ish-trajnerin e Borusias. Jurgen KlopNdërkohë, nga Anglia menaxheri i Klopit ka folur për "Daily Mail", duke mos përjashtuar mundësinë e ardhjes në Mynih të klientit të tij. "Mendoj që puna këtu në "Anfield" nuk ka mbaruar akoma për Klopin edhe pse atij nuk i pëlqen klima në ishull. Gjithashtu dhe ndeshjet që luhen në dimër. Klienti ka një kontratë deri në vitin 2022 me Liverpolin, por mundësia që ai të largohet përpara ekziston", u shpreh menaxheri.
HASENHYTEL- Me Tuhelin të fshirë nga lista, kandidati kryesor për momentin është
Hasenhytel, trajneri aktual i Lajpcigut. Austriaku nuk ka rinovuar me skuadrën dhe kontrata i përfundon në vitin 2019. 50-vjeçari shihet si ideali për të drejtuar skuadrën bavareze. Ish-lojtari i Bajernit, Lotar Mateus, deklaroi para disa kohësh se: "Në qoftë se Bajerni kërkon
një trajner që flet mirë gjermanisht, atëherë Hasenhytel është i duhuri. Ai ka shumë eksperiencë dhe me Lajpcigun ai ka bërë një sezon shumë të mirë, vjet dhe sivjet". Gjithsesi në listën e trajnerëve të mundshëm janë dhe Niko Kovaç i Frankfurtit dhe Julian Nagelsman i
Hofenhajmit. Të dy shumë të rinjë moshë, por gjithashtu premtues. Bajerni duhet të nxitojë të bëjë zgjedhjen e tij, dhe pse në një periudhë delikate në Champions dhe në Kupën e Gjermanisë. Hënes dhe Rumenige kanë në dorë të ardhmen e skuadrës.