Elbasani nën presion, një gabim hedh në erë sezonin
Marsid Dushku: Skuadra u ambientua shpejt me këtë kategori
Elbasani luan sezo nin këtë fundjavë në Orikum, pasi humbja i zbret nga froni dhe i komprometon së tepërmi ngjitjen në Kategorinë e Parë. Megjithatë, në kampin verdheblu kanë besim se do të dalin me një rezultat pozitiv dhe do arrijnë ngjitjen. Aktualisht, verdheblutë renditen të parët me dy pikë më shumë se bregdetarët. Përballja e së dielës pritet të jetë shumë e fortë ku një gabim mund të kushtojë gjithë sezonin. Deri tani, Elbasani ka bërë paraqitje shumë të mirë dhe beson se do të vazhdojë kështu. DUSHKU
Në një prononcim për "Panorama Sport", ish-futbollisti dhe njëkohësisht ish zvC trajneri i kësaj skuadre vitin e kaluar, Marsid Dushku, flet në lidhje me "finalen" e së dielës. Sipas tij, puna e bërë deri më tani ka qenë shumë e mirë, por duhet të kalojnë me patjetër edhe sfidën e mbetur. "Është bërë një punë e mirë deri më tani me skuadrën, pasi jo më kot është në krye dhe për më tepër pa asnjë humbje. Kategoria e Dytë nuk është aq e lehtë sa mund të mendohet, sidomos për një klub që nuk është mësuar të luajë në këto nivele. Por u ambientuan shpejt, edhe për shkak të kualiteteve që janë në skuadër dhe ia kanë dalë më së miri deri më tani", u shpreh fillimisht Dushku. Më tej, ai flet për përballjen në Orikum dhe shanset e ngjitjes në të Parën. "Mund
të them që fatet e një sezoni të tërë mund të varen nga një ndeshje e vetme, siç është edhe ajo me Orikumin. Të vjen keq kur e mendon, pasi një gabim të çon dëm punën e një sezoni të tërë. Megjithatë, kam shumë besim se skuadra do t'ia dalë me sukses në këtë
transfertë. Në lidhje me ngjitjen në Kategorinë e Parë, një fitore në Orikum them se do t'i siguronte ngjitjen Elbasanit, në të kundërt, gara do jetë e hapur deri në fund", u shpreh në prononcimin e tij, Marsid Dushku, aktualisht trajner te moshat në Elbasan.
Sfida mes Orikumit dhe Elbasanit do të luhet të dielën në orën 15:00 në fushën sportive të qytetit bregdetar. Kujtojmë që në fazën e parë, verdheblutë fituan 2-0 në fushën e tyre, ndërsa miqtë nga Orikumi kontestuan fort gjykimin.