Trajneri Valverde: Mesin po e ruajmë siç bëri edhe Argjentina
Barcelona do të luajë sonte në mbrëmje në transfertë kundër Sevijes
Barcelona do të ndeshet sot në mbrëmje me Sevijen në La Liga. Skuadra katalanase kërkon të ruajë diferencën prej 9 pikëve ndaj vendit të dytë, Atletikos së Madridit. Barcelona duket se është në dyshim për të aktivizuar Leo Mesin që vuan një tërheqje. Argjentinasi nuk u aktivizua në dy takimet e kombëtares ndaj Italisë dhe Spanjës. Trajneri Ernesto Valeverde ka folur para gazetarëve, duke theksuar rëndësinë e takimit.
Do të luajë Mesi ndaj Sevijes?
Duhet të presim, po kujdesemi për të ashtu siç
bëri Argjentina. Lojtarët janë mësuar të kenë këto lloj dëmtimesh të vogla në këtë fazë të sezonit. Në ndeshjet e përfaqësueseve, lojtarët mund të ruhen, por është e vështirë të kontrollosh veten 100 për qind, prandaj duhet të bëjnë kujdes. Ndaj Malagas luajtëm pa Leon
në minutat e fundit dhe fituam. Sigurisht që kemi lojtarë për ta zëvendësuar, por është ndryshe të luash me atë në fushë.
Si është gjendja e Iniestës? Kam biseduar me lojtarin dhe ai është shumë i qetë. Ai është një lojtar i madh, një kampion.
Ndonjëherë ndodh që të bësh edhe kritika, por kjo është normale. Moralisht nuk ka asgjë të keqe.
Në mesjavë, ndeshja me Romën për Champions...
Momentalisht po mendojmë vetëm për përballjen ndaj Sevijes. Sigurisht që kam planifikuar lojtarët që do të aktivizojë në këto dy takime. Ndeshja e sotme është e rëndësishme, ashtu si dhe ajo që vjen pas. Gjithmonë mund ta shohësh ndeshjen e ardhshme me bisht syri, është e vështirë të bësh ndarje.
Buskets do të mungojë ndaj Sevijes?
Është e vërtetë që ai nuk do të jetë sonte. Shpresoj të jetë i gatshëm ndaj Romës në mesjavë për Champions. Ai nuk është stërvitur me ne në seancën e fundit. Por do të shohim javës tjetër nëse ai do të jetë me ekipin.