Partizani“samba” nëPartizani“sam b a” në K amzë, presion Kukës itK amzë, presion Kukës it për...Champions-in
Me alipin "demat" janë të pandalshëm, kamzalinjtë afrohen me zonën e rënies nga kategoria
Partizani nuk sh këlqeu me lojë, por të besuarit e trajnerit Dalipi u treguan cinikë dhe arritën të merrnin trepikëshin në derbin ndaj Kamzës, që u luajt në transfertë. Triumfi i të kuqve erdhi nga një "samba" braziliane, pasi në minutën e 76-të Lukas vallëzon në zonën e Kamzës dhe shënon golin e vetëm dhe të fitores. Me këtë sukses, Partizani shkon në kuotën e 42 pikëve, po aq sa ka edhe Laçi i vendit të tretë. Kurbinasit janë superiorë në bilancin direkt me të kuqtë, ndaj janë para. Faza e katërt nis me përballjen mes këtyre dy skuadrave, ku Partizani do të kërkojë të thyejë tersin e këtij sezoni ndaj laçianëve, si dhe t'i parakalojnë në renditje. Laçi mbetet skuadra që u ka bërë "gjëmën" të kuqve në dy fazat e para, por të kuqtë do të kërkojnë të përfitojnë nga ngarkesa e kurbinasve, pasi në mesjavë luajnë gjysmëfinalen e parë të Kupës. Ndërsa Kamza, me humbjen e djeshme, e ka pështjelluar shumë të ardhmen, pasi tani zona e ftohtë është më afër, ndonëse kanë 5 pikë më shumë se Teuta.
PJESA E PARË- Takimi nisi i qetë dhe loja u përqendrua kryesisht në dyluftimet në mesfushë. Fillimisht rrezikojnë vendësit me Raçiç, por pa sukses. Në minutën e 10-të, Partizani bën një zëvendësim të detyruar, pasi Bardhi dëmtohet në shpatullën e djathtë nga ndërhyrja e Arrabal dhe vendin e tij ia lë Abdurrahimit. Pas minutës së 15-të, Partizani merr më shumë iniciativa sulmuese, me protagonistë Asanin dhe Abdurrahimin. Përpos insistimit të "demave", portieri Avdyli mbetet i pamposhtur. Në minutën e 42-të, Kamza krijon rastin e parë serioz, por gjuajtja e Filit përfundon jashtë. Në fund të kësaj pjese, Trashi shpërdoron një mundësi të pastër. 0-0 mbyllen 45 minuta e para.
PJESA E DYTË- Të dy trajnerët u besojnë të njëjtëve lojtarë, madje, si për çudi, në pushim të dy pjesëve munguan lojtarët që bëjnë nxehmje në fushë. Pjesa e dytë nis e qetë dhe vetëm në minutën e 53-të vjen rreziku i parë në portën e Kamzës. Takimi është i dyluftuar, kryesisht në mesfushë. Vendësit nuk e kanë rrezikshmërinë si në ndeshjet e tjera, mbase edhe nga mungesat, kryesisht në krahun e djathtë, ku Frashëri del shpesh në ndihmë të sulmit. Partizani ka dëshirën për të shënuar, por janë disi konfuzë në lojë. Në minutën e 56-të, Avdyli "fluturon" duke i mohuar golin Abdurrahimit. Në minutën e 68-të, Kamza bën zëvendësimin e parë, Malaj i lë vendin >merit. Ndërsa te miqtë, Kotobelli zëvendësohet me
Lukasin dhe Trashi kalon si mbrojtës i majtë. Në minutën e 74-t, të dy trajnerët bëjnë nga një zëvendësim, Rezi ndërrohet me Imerin, ndërsa Asani me Çanin. Zëvendësimet ndikuan për mirë te Partizani, pasi funksionoi strategjia e Dalipit. Në minutën e 76-të, me
një "samba" braziliane të Lukasit, të kuqtë shënojnë golin e fitores. 5 minuta më vonë, Raçiç i lë vendin Mehmentit, por në fushë nuk ka më histori dhe Partizani arrin të administrojë golin e shënuar nga Lukas dhe vijon ngjitjen në tabelë për të siguruar Europën.