“Mister 100”, pasimet e bëjnë Hysajn të frikshëm
Forma ideale, shqiptari nuk e ul ritmin as në ditët " " të ekipit
Napoli u ndal sër ish në barazim, duke zbehur në maksimum shanset për të triumfuar në Serinë A. Barazimi në transfertë ndaj Sasuolos me rezultatin 1-1 dhe fitorja e Juventusit ndaj Milanit, bëjnë që diferenca me kreun të shkojë katër pikë dhe ëndrra e titullit kampion të venitet për napolitanët. Mirëpo, krahas paraqitjes së skuadrës, në aspektin personal, Elseid Hysaj ka arritur që të veçohet në krahasim me pjesën tjetër të skuadrës. Pavarësisht hapit fals të napolitanëve, mediat italiane kanë pasur fjalë të mira për mbrojtësin e djathtë të Kombëtares tonë. "Hysaj meriton notën 6. Në pjesën e parë nuk ka shtyrë shumë në krahun e tij, por në të dytën ndihmon së tepërmi ekipin me daljet e tij të shpejta. Për më tepër në këtë ndeshje ka arritur të japë 100 pasime te sakta", ishte vlerësimi për shkodranin, duke treguar edhe një herë cilësinë e tij në nivele të larta, si Seria A. Java në vijim do të jetë vendimtare për të ardhmen e shkodranit, pasi do të diskutohet me drejtuesit e Napolit rinovimi i kontratës dhe klauzola e re për të, ashtu si edhe një transferim i mundshëm jashtë Italisë në fund të sezonit.
MERKATO - Edhe dje, mediat italiane dhe angleze kanë folur në lidhje me të ardhmen e mbrojtësit të djathtë të skuadrës kuqezi. Në Angli, mediat kanë qarkulluar informacionet se shqiptarit po i rritet klauzola nga
drejtuesit dhe se Arsenali duhet të nxitojë për të siguruar shërbimet e djaloshit kuqezi. Momentalisht, për të siguruar kartonin e tij, mjafton të paguhen 50 milionë euro, mirëpo gjatë javës Hysaj mund të rinovojë kontratën me napolitanët dhe për pasojë klauzola për të mund të rritet nga 80 deri në 100 milionë euro.
JAVA E KONTRATËS
-
Menaxheri Xhiufredi ka ndërprerë çdo bisedim me palë të treta për shqiptarin, pasi këtë javë ka rezervuar një takim me presidentin De Laurentis për të vendosur përfundimisht të ardhmen e Hysajt dhe mundësitë për një rinovim, ku do të përcaktohet klauzola e re dhe kushtet më të mira financiare për shqiptarin.