Presidenti shkrin Olimpiakosin: Prej jush shkarkova 3 trajnerë
E pësoi edhe Hasi, gjobë 400 mijë € për lojtarët
Besnik Hasi fitoi ndaj Partizanit të Beogradit duke marrë elozhet e të gjithë analistëve sportivë, për sjelljen e skuadrës, si dhe përgatitjen e ndeshjes. Mirëpo, kënaqësia e trajnerit shqiptar zgjati pak, pasi presidenti i Olimpiakosit nuk duroi dhe e shkarkoi. Kanë kaluar disa muaj dhe shqiptari mund edhe të jetë harruar për çfarë ka bërë, por duket se vetë kreu i klubit do ta kujtojë gjatë. Dje, ai u është drejtuar të gjithë lojtarëve, duke i cilësuar ata si fajtorë të të gjithë situatës dhe jo trajnerët që ka shkarkuar gjatë kësaj periudhe. Presidenti
"Unë dhe tifozët kemi duruar shumë, pushimet tuaja fillojnë sot", u është drejtuar futbollistë, kreu i Olimpiakosit, Evangelos Marinakis, i cili ka mbetur tepër i zhgënjyer nga rezultatet e fundit. Për më tepër, ai nuk është ndalur vetëm te deklarata dhe pushimi i ekipit, por ka marrë edhe një masë drastike prej 400 mijë eurosh gjobë ndaj lojtarëve. Për pjesën e mbetur të sezonit ka vendosur të hedhë në fushë ekipin e të rinjve. Barazimi i së dielës kundër Levadhiakosit ishte pika që derdhi gotën. Kur kanë mbetur edhe katër ndeshje nga fundi, bardhekuqtë klasifikohen në vendin e tretë, me 6 pikë më pak se kryesuesit e AEK- ut dhe një më pak se PAOK-u.
Projekti
"Do ta ndërtoj Olimpiakosin nga e para dhe do ta bëj skuadrën që ne ëndërrojmë. Ju interesojnë vetëm paratë dhe makinat e shtrenjta, jo klubi. Ju paguaj miliona sepse i keni cilësitë, por për shkakun tuaj kam larguar tre trajnerë. Faji në këtë rast është vetëm juaji", është shprehur numri një i skuadrës greke për të gjithë kontingjentin e futbollistëve. Hasi
Një nga trajnerët e shkarkuar nga presidenti ishte edhe Besnik Hasi. Marinakis, që është pronar edhe i "Notingem Forest" në Angli, sqaroi se nga 400 mijë euro gjobë, 200 janë për barazimin me Panathinaikosin, ndërsa 200 mijë të tjera për barazimin e fundit 1- 1 kundër Levadhiakosit. Sipas tij, kjo shumë do të investohet të futbollistët e U- 20, që së bashku me disa lojtarë që u kanë shpëtuar kritikave, do të mbyllin sezonin.