Flamurtari prek finalen, Skënderbeu bie në Korçë
Tronditen sërish korçarët, Jashanica është dënuar 2 vite për doping
Z gjohet" Flamurtari, 45 ditë vuajtje për të gjetur një fitore të madhe, madje brenda në Korçë ndaj Skënderbeut. Një ndeshje mes dy skuadrave të plagosura, nisur nga momentet negative që po kalojnë brenda dhe jashtë fushe. Goli i Danilo Alveshit pak minuta para fundit të lojës i dha një shkelm krizës vlonjate dhe futi në një minikrizë rezultatesh Skënderbeun e goditur nga të gjitha anët. Dënimi me 10 vite nga kompeticionet europiane dukshëm po ndikon te bardhekuqtë, që edhe në ndeshjen e parë të turit gjysmëfinal të Kupës së Shqipërisë treguan një lojë me dy fytyra. Madje, si kurrë më parë u pa nervozizëm mes lojtarëve, diçka që ndodh rrallë në një ekip si Skënderbeu. Këtë herë korçarët nuk kishin as fatin me vete, pasi shpërdoruan një penallti me Gjergji Muzakën. Heroi i kuqezinjve ishte Adis Nurkoviç, që jo vetëm mbajti në lojë skuadrën me grushtimin spektakolar, por gjithashtu i mohoi gola të sigurt Skënderbeut në pjesën e parë. Edhe pse vlonjatët kanë një avantazh jo të vogël, pasi fituan 0-1 në Korçë, sërish do të jenë 90 minutat e kthimit në Vlorë ato që do të vendosin për kualifikimin. FlamurtariSkënderbeu do të luhet më 18 prill.
PJESA E PARË Skënderbeu e nisi me pesë mungesa shumë të rëndësishme 6Shehi, Radas, Vangjeli, Jashanica dhe Lilaj:, ndërsa Flamurtari ishte pa sulmuesin kryesor, Tomislav Bushiç. Loja nis me korçarët në sulm, që i afrohen golit pa kaluar një minutë me Alitin. Bardhekuqtë bëjnë presion lart dhe vendosin në vështirësi Flamurtarin në minutat e para. Mirëpo, mjafton një kundërsulm i kuqezinjve për të tronditur korçarët. Kamara humbet një rast gati të pabesueshëm, teksa me portën e boshatisur nuk arrin ta dërgojë topin në rrjetë. Gjithsesi, Skënderbeu luan më mirë, duke qarkulluar topin dhe zbritur në portën vlonjate me një rrjedhë logjike. Ali Soue është i pafat, teksa pas një aksioni model godet brenda zonës dhe Siljanovski i mohon golin, duke larguar topin në vijën fatale. Më pas vjen edhe momenti i mjaft i diskutuar, kur =hejms pengohet në zonë dhe gjyqtari Jorgji akordon 11-metërsh. Nga pika e bardhë është Muzaka që gjuan, por Nurkoviç i kupton krahun dhe rezultati mbetet i pandryshuar deri në mbyllje të pjesës së parë.
PJESA E DYTË
Pas pushimit, skuadrat rifuten në fushë me të njëjtat formacione. Korçarët humbasin freskinë dhe qëndrojnë larg zonës vlonjate. Flamurtari rrezikon me Nedeljkoviç, ndërsa më pas Muarem shpërdoron fatalisht, teksa vetëm pesë metra larg portës godet jashtë. Duro aktivizon Hoxhajn, ndërsa Daja hedh në fushë Abazin. Skënderbeu mundohet të qarkullojë topin, por nuk është i rrezikshëm para portës së Nurkoviçit. Vlonjatët marrin zemër dhe bëhen të frikshëm përmes kundërsulmeve. Daja largon Souenë për t'i dhënë shansin Krasniqit, por golin e gjejnë vlonjatët. Pas një goditjeje nga këndi, Alvesh gjuan bukur me kokë, teksa shfrytëzon në maksimum krosimin e Muarem. 0-1 dhe korçarët e kanë shumë të vështirë për të reaguar, madje rrezikojnë të pësojnë sërish nga Alvesh. Gjithçka mbyllet me fitoren e miqve.