Gol pas 45 ditësh, Alvesh: Finalen e vulosim në Vlorë
" jo fitore na jep shumë besim për vazhdimësinë në kampionat"
Danilo Alvesh ishte heroi i Flamurtarit në ndeshjen e djeshme. Sulmuesi brazilian gjeti golin pas 45 ditësh vuajtje. Për herë të fundit, ai kishte shënuar në kampionat në takimin e fituar ndaj Lushnjës në Vlorë. Braziliani realizoi një gol të "rëndë" në Korçë, duke u dhënë një fitore shumë të rëndësishme kuqezinjve. Pas ndeshjes, Alvesh theksoi në bisedën për "Supersport", se asgjë nuk është mbyllur pas këtij rezultati, edhe pse tashmë favorit është Flamurtari. NDESHJA
"Mendoj se bëmë një lojë të mirë dhe e rëndësishme është që shënuam dhe arritëm të fitonim këtë ndeshje të parë. Edhe unë u riktheva te goli dhe kjo më bën të lumtur. Luajtëm ndaj një skuadre shumë të fortë si Skënderbeu. Megjithatë, duhet të kemi kujdes për ndeshjen e kthimit. Mendoj se çdo gjë është e hapur. FinaljaA 90 minutat e kthimit do të vendosin gjithçka, jo vetëm për Flamurtari-Skënderbeu, por edhe LaçiKukësi. Nuk mund të them tani për preferencat që kam, pasi duhet të shkojmë një herë në finale", deklaroi braziliani. SITUATA
Flamurtari vjen pas një krize rezultatesh në kampionat dhe triumfi në Korçë i jep një shtysë të madhe për vazhdimësinë. Edhe Alvesh është i këtij mendimi, pavarësisht se kërkon të qëndrojë me këmbë në tokë. "Nuk e di si ta shpjegoj çfarë na ka ndodhur këtë periudhë. Kemi dhënë më të mirën në fushë,
por edhe fati nuk ka qenë me ne. Pastaj, edhe arbitrat, në disa ndeshje, kanë ndikuar. Gjithsesi, kjo fitore na jep shumë besim për vazhdimësinë në kampionat. Do të kërkojmë të vazhdojmë me këtë rritëm", ka shtuar sulmuesi i Flamurtarit. I pyetur se me cilin ndihet më mirë në sulm, me Bushiç apo Kamara, braziliani u tregua diplomat.
"Janë të dy lojtarë të mirë dhe të rëndësishëm për ekipin. Bushiç është më i fortë dhe me më shumë eksperiencë. Na duhen të dy në fushë", theksoi braziliani, i cili është zhbllokuar më në fund. "Jam i lumtur që shënova, pasi kisha javë që nuk arrija të gjeja golin. Për një sulmues është detyrë të shënojë", përfundoi Alvesh.