Shkëmbim i çmendur në aksin Mançester-Madrid

Junajtid i përgjigjet me Bejlin, Mordiçin dhe Krosin

anë emra të fortë, nga ata që do të lëviznin vetëm nga një skuadër e madhe në një tjetër emër gjigant. Dhe ditët e merkatos parashikohen më të nxehta se kurrë këtë verë. Sepse kur në ethet e saj përfshihen emra si Mançester Junajtid dhe Reali i Madridit, imagjinojeni vetë se çfarë mund të ndodhë.

ÇFARË DUAN SPANJOLLËT?

"Mirror" zbulon se kampionët e Europës do të rikthehen në Mançester për të kërkuar ëndrrën e tyre të vjetër për portën, David De Gean, i cili përpara Botërorit pritet që të hedhë edhe firmën në kontratën e re me "djajtë e kuq" (5-vjeçare me 350 mijë paund në javë). Por, Florentino Perez është i interesuar veç portierit spanjoll, edhe për dy yje të tjerë të Zhoze Murinjos: Pol Pogbanë dhe Antoni Marsialin. E ardhmja e mesfushorit francez pas fërkimeve me teknikun portugez është e pasigurt dhe vetë futbollisti e pranoi publikisht një gjë të tillë, duke qenë se Mou nuk i garanton më një vend titullari. E njëjta histori vlen

ÇELSI

edhe për Marsialin, minutat e të cilit në "Old Trafford" janë reduktuar ndjeshëm pas transferimit të Aleksis Sançezit nga Arsenali në merkaton e janarit.

ÇFARË DUAN ANGLEZËT?

Por, sipas "Manchester Evening News", Reali e di

mirë përgjigjen që do të vijë nga Anglia dhe është gati t'i ofrojë tre yje që Junajtid i ëndërron prej kohësh: në krye të listës është emri i Garet Bejlit, divorci i të cilit me klubin spanjoll pritet vetëm që të konfirmohet, pasi ka përfunduar i salduar në stolin e Zinedin Zidanit. Por, Zhoze Murinjo do të kërkojë nga ishskuadra e tij edhe Luka Modriçin dhe ëndrrën e vjetër të "djajve", Toni Krosin. Gjermani ishte shumë pranë firmës me Mançester Junajtid në vitin 2014, kur në stol ishte Dejvid Mojes.