Juve-Inter i '98, Çekarini: Faulli ishte i Ronaldos…

“Penallti? Jo, duhet të vërshëlleja në favor të Iulianos”

shte Ronaldo që bëri faull, gabova që nuk sinjalizova goditje dënimi për Juventusin". Flet arbitri i ndeshjes së polemikave, Piero Çekarini, fjalët e të cilit me siguri vetëm sa do e shtojnë tensionin. Në një intervistë për "Premium Sport", për herë të parë pas 20 vitesh, ish-" bilbili" ka folur për sfidën kontroverse Juventus- Inter të 26 prillit 1998. Ai thotë se i vjen keq që kujtohet vetëm kontakti mes Iulianos (gjatë kohës që drejtoi Partizanin në Shqipëri, italiani shpesh tha se episodi i kontaktit ndaj "Fenomenit" vazhdonte ta përndiqte kudo dhe të gjithë e pyesnin, nëse ishte apo jo, edhe pse pamjet flasin vetë) dhe Ronaldos: "Identifikimi ekskluzivisht për atë episod nuk më bën të ndihem mirë. Sepse është një karrierë e tërë arbitrimi prapa.

"KONTAKT FIZIK" - Interpretimi i tij për episodin e asaj ndeshjeje nuk ka ndryshuar: "Fakti që nuk vërshëlleva ka bërë të kuptohet sikur unë e pashë faullin e Iulianos dhe nuk desha ta jepja. Por pashë pikërisht të

kundërtën. Nëse do të ishte basketboll, do të ishte faull personal i Ronaldos. Këto fjalë ia thashë në fushë Paljukës. Aty ka një kontakt fizik të Ronaldos mbi Iulianon, jo e kundërta. Sot, pas shumë vitesh, them se ajo që pashë në fushë korrespondon me

realitetin. Gabimi im ishte që nuk dhashë goditje dënimi për Juventusin.

AJO QETËSI… - Kush e di se çfarë do kishte ndryshuar nëse do kishte qenë VAR-i: "Madje, në atë rast ka qenë… e më vjen habi nga fakti që askush nuk e mori në

konsideratë. Në transmetim direkt dhe gjatë përsëritjes, Kolovati dhe Kieza, ishgjyqtarë, thanë se nuk ishte penallti. U çudita nga protestat e Interit. Më vjen keq, që nuk ua shpjegova versionin tim pas ndeshjes. Nuk ishte e mundur sepse arbitrat

janë të izoluar në stadium. Propozova një konferencë shtypi që të sqaronim episodin nga ana teknike, pa hyrë në çështje të tjera, por ky propozim nuk u mor në konsideratë. Më pas pati vetëm heshtje nga sektori i arbitrave dhe federata, diçka

që më trishtoi. "Për mua, fakti që ai episod ndikoi që Interi të humbiste titullin, nuk ka pasur një interpretim real. Vlerësova gjithçka në mënyrë të pastër dhe transparente. Tifozët e Interit duhet të rrinë të qetë, nuk kisha asnjë qëllim të keq".