Tirana nuk njeh më rivalë, poshtëron Flamurtarin
Sezoni i rregullt i kampionatit të basketbollit për femra do të marrë fund sot me ndeshjen që do të luhet në pallatin më të ri të sportit "Dhimitraq Goga" të Durrësit, me ndeshjen e kryesueseve të kampionatit Goga Basket dhe Apolonisë. Ndërkohë që dje janë luajtur dy ndeshjet e tjera të javës së 20-të. Superndeshja e kësaj jave ishte ajo midis Tiranës dhe Flamurtarit, e cila ka rezultuar si një surprizë e ekipit kryeqytetas, teksa e kanë mundur thellësisht skuadrën që drejtohet nga Viron Toska. Tirana arriti ta poshtërojë Flamurtarin kampion me shifrat 70-49. Ndeshja e luajtur në "Fahrie Hoti" ka qenë një dominim total i skuadrës bardheblu, së cilës i ka mjaftuar perioda e parë për të vulosur fitoren. Avantazhi 24- 11 krijuar në 10minutëshin e parë bëri që
loja të ishte gjithnjë nën komandën e ekipit që drejtohet nga Roland Avrami. Kemi një Tiranë, që e thelloi edhe më shumë avantazhin me kalimin e minutave. Flamurtari nuk pati forcën për të rivalizuar, duke pësuar një humbje që nuk i prishte
(24-11, 18-13, 20-6, 8-19) TIRANA: Xhanaj, E. Bujari, Okoje, Milanoviç, Popoviç / Bojd, Zyka, G. Bujari, Berranija, Rreshpja. Trajner: R. Avrami. FLAMURTARI: Myrto, Palko, Nikpaljeviç, Korto, Aliaj / Rrapaj, Plasa, Kostallari, Hazanaj, Joziç, Liçi. Trajner: Viron Toska. GJYQTARË: A. Bejko, G. Hoxha
shumë punë, pasi vlonjatet edhe pas kësaj humbjeje vazhdojnë ta ruajnë kryesimin. Skuadra e Studentit u mund dje 51-46 në Korçë nga Skënderbeu i vendit të fundit, një ndeshje thjesht për statistikë për të dyja ekipet. Edhe pse fitoi Skënderbeu, përsëri mbetet i fundit dhe sezonin e ardhshëm do të luajë në grupin B. Studenti edhe pse
humbi e kishte siguruar zonën e "play off"- it. Një ditë më parë pa probleme fitoi në Shkodër skuadra e Goga Basket, e cila mundi 71- 37 Vllazninë vendëse, në një ndeshje pa shumë emocione. Kështu janë përcaktuar dhe gjysmëfinalet: Teuta - Tirana dhe Flamurtari - Studenti.
Artin Lleshaj, Llazi Saro