Partizani shpërthen në Laç ,Jasir Kishim frikë me frikë me Starovën
Demi: Nuk po mendoj për për trajner trajner të të ri, ri, kam kam gabuar me Sormanin
Partizani i trajnerit Kle vis Dalipi ka kapur ashensorin për lart. Falë fitores së arritur dje në Laç, për herë të parë në këtë sezon të kuqtë e shikojnë veten në vendin e tretë. Nën drejtimin e Dalipit, "demat" kanë arritur 4 fitore dhe një barazim, me 13 pikë të fituara, 8 gola të shënuar dhe 0 të pësuar. Nëse në 3 sfidat e shkuara Laçi u mori 7 pikë "demave" me 3 gola të shënuar dhe asnjë të pësuar, Partizanit i mjaftoi sfida e fazës së katërt për të shënuar 3 gola dhe për të marrë trepikëshin e parë ndaj kurbinasve, të cilët i kanë parakaluar tashmë në renditje. Laçi nuk humbiste në shtëpi që nga 25 nëntori, ku i mundi Kukësi 1-0. Serinë e golave e hapi braziliani Lukas Kardozo në minutën e 50-të, Abdurrahimi i sapofutur në fushë dyfishoi në minutën e 85të dhe më pas Gerhard Progni shënon dhe vulos fitoren fantastike të Partizanit në transfertë. Me këtë sukses të arritur në Laç, të besuarit e trajnerit Dalipi janë në rrugën e duhur për të siguruar një biletë për në Kupat e Europës. Ndërsa, Laçi vuajti në këtë takim lodhjen e ndeshjes së Kupës të zhvilluar në mesjavë ndaj Kukësit. Kurbinasit synojnë pjesëmarrjen në Europë, të cilën mund ta sigurojnë edhe nga Kupa dhe kampionati, pasi luftojnë në të dy frontet.
Pjesa e parë- Të dyja ekipet vinin në këtë takim me ndryshime të lehta në formacion, por Partizani kishte më shumë elementë sulmues. Të dy skuadrat dëshironin fitoren, por në minutat e para loja përqendrohet më shumë në mesfushë, duke krijuar siguri në prapavijë. Të kuqtë mundohen të rrezikojnë përmes goditjeve standarde dhe gjuajtjeve nga distanca. Laçi është më i qartë në lojën e tij, duke e qarkulluar më shumë topin dhe është më agresiv. Të kuqtë nuk arritën të dilnin në lojën e tyre në pjesën e parë, kjo për meritë të vendësve që bllokuan pikat e forta, por kurbinasit nuk kishin rrezikshmërinë në fazën përmbyllëse të aksioneve. Edhe njëherë doli në pah siguria që ka krijuar Partizani në prapavijë, ku kundërshtarët e kanë të vështirë që të gjejnë hapësira. Përpos rasteve të krijuara në këtë pjesë, më së shumti nga vendësit, 45 minutat e para mbyllen në barazim 0-0.
Pjesa e dytë- Të dyja ekipet zbresin në fushë me të njëjtët lojtarë që nisën takimi. Partizani, që në minutën e 48të, jep sinjalin se kjo pjesë do të jetë ndryshe duke qenë më kërkues për gjetjen e golit. Nuk vonon dhe në të 50-ën, Lukas zhbllokon rezultatin. Asani nga e djathta shërben për Lukas, i cili pasi fiton duelin me Qaqin dhe Gjonin, me një prekje të topit shmang edhe portierin Vata dhe e shoqëron "sferën" që përfundon në rrjetë. 0- 1 për Partizanin. Trajneri Mezani menjëherë freskon ekipin, ku Kallaku i lë vendin Nikës. Kurbinasit nuk dorëzohen dhe mundohen që të shënojnë, por Uzuni u pa shumë larg portës në këtë takim, ndërsa Rexhinaldo mbeti i bllokuar në çdo moment nga mbrojtësit e kuq. Lukas dhe Progni kombinojnë shpesh mes tyre dhe krijojnë rreziqe për portierin Vata, por pa mundur që të shënojnë. Në minutën 68-të vjen ndryshimi i dytë te Laçi, ku Lushkja hyn në vend të Fangajt. Por është Partizani ai që mund të dyfishonte me Lukasin në minutën e 71-të, por kësaj radhe braziliani gabon. Në minutën e 75të vjen zëvendësimi i parë te
Partizani, ku Asani i lë vendin Telushit. Dy minuta më pas Laçi kryen edhe ndërrimin e tretë, ku Xhixha hyn në vend të Shtubinës me shpresën për të qenë më të rrezikshëm në sulm. Në minutën e 81-të Lukas i lë vendin Abdurrahimit, i cili katër minuta më pas, me një inkursion individual shënon një gol të bukur, 02 për Partizanin. Pas golit, Mala i lë vendin Kulumit dhe në të 87-ën, Progni mbyll historitë e këtij takimi, duke shënuar golin e tretë. Gjithçka mbyllet me fitore 3-0 të Partizanit në fushën e Laçit.